2020 yil 25 avgust kuni O‘zbekiston Respublikasi Prezidentining 2020 yil Alisher Navoiy nomidagi O‘zbekiston milliy bog‘ida barpo etilgan “Adiblar xiyoboni”ga tashrifi chog‘ida bergan topshiriqlarining ijrosini taʼminlash maqsadida “Fitrat” bog‘ida BuxDU Filologiya fakulteti va O‘zbekiston yozuvchilar uyushmasi Buxoro filiali bilan hamkorlikda A. Fitrat hayoti va ijodiga bag‘ishlangan “Hayot yo‘llarimizni yoritgan inson” mavzusida madaniy-maʼrifiy tadbir tashkil etildi. Ushbu tadbirda Oliy va o‘rta maxsus taʼlim vazirligining Maʼnaviy-axloqiy tarbiya boshqarmasi boshlig‘i O.H.Bazarov, BuxDU Yoshlar bilan ishlash bo‘yicha prorektor A.M.Kadirov, O‘zbekiston yozuvchilar uyushmasi Buxoro viloyati bo‘limi boshlig‘i Sh.S.Sulaymonov, Yoshlar bilan ishlash bo‘yicha dekan muovini T.A.Rajabov, Filologiya fakultetining professor-o‘qituvchilari, doktorantlari va talabalari qatnashdilar.A. Fitrat hayoti va ijodiga bag‘ishlangan “Hayot yo‘llarimizni yoritgan inson” mavzusida tashkil qilingan tadbirni Oliy va o‘rta maxsus taʼlim vazirligining Maʼnaviy-axloqiy tarbiya boshqarmasi boshlig‘i O.H.Bazarov kirish so‘zi bilan ochib berdi. O.H.Bazarov Fitrat ijodining o‘rganilishi va uning asarlarining nashr qilinishi haqidagi vaziyat haqida yig‘ilganlarga maʼlumot berib o‘tdi. O.H.Bazarov Fitrat ijodini o‘rganish bo‘yicha va qomusiy olim haqida qilinayotgan ilmiy ishlarni yuqori baholadi. O.H.Bazarov o‘z lavozim vazifalaridan kelib chiqqan holda barcha tadqiqotchilarni qo‘llab-quvvatlashga tayyor ekanligini bildirib o‘tdi. BuxDU da “Fitrat” ko‘krak nishonini joriy qilish haqidagi fikrlarni qo‘llab-quvvatladi, Fitrat muzeyini tashkil qilish bo‘yicha amaliy yordam berishga tayyorligini taʼkidladi va bu kabi tadbirlar ko‘plab o‘tkazilishi kerakligi haqida bir qator tavsiyalar berdi.Shundan so‘ng “Hayot yo‘llarimizni yoritgan inson” mavzusida maʼruza qilish uchun so‘z navbati O‘zbekiston yozuvchilar uyushmasi Buxoro viloyati bo‘limi boshlig‘i Sh.S.Sulaymonovga berildi. Sh.S.Sulaymonov Fitrat hayoti va ijodi haqida yig‘ilganlarga qiziqarli maʼlumotlar aytib berdi. Qomusiy olim Fitratning hayot va ijod yo‘li haqida gapirib shoirning sheʼrlaridan yig‘ilganlarga o‘qib berdi. Fitratni ardoqlash va uning boshlab ketgan ishlarini davom ettirishga har bir filolog majbur ekanligi haqida fikrlari bilan o‘rtoqlashdi. Barcha professor-o‘qituvchilar, talabalar va ushbu ishga mas'ullar birgalikda harakat qilishlari lozimligini alohida taʼkidladi.Tadbir davomida Filologiya fakulteti professor-o‘qituvchilari: Sh.Axmedova, L.Sharipova, H.Safarova, M.Hojiyeva, T.Rajabovlar, O‘zbek adabiyoti kafedrasi doktorantlari: N.Qodirova, N.Norovalar Fitrat hayoti va ijodining turli qirralari haqida maʼlumotlar berdilar. Maʼlumotlar asosida qizg‘in bahs-munozaralar tashkil qilindi. Filologiya fakulteti talabalari tomonidan Fitrat ijodiga mansub sheʼrlardan yod aytildi.Tadbirni yakunlab berish uchun so‘z navbati BuxDU Yoshlar bilan ishlash bo‘yicha prorektor A.M.Kadirovga berildi. A.M.Kadirov tadbirga juda katta tayyorgarlik ko‘rilgani va tadbirning yuqori saviyada o‘tganligini taʼkidladi. Fitrat bog‘ining yangi dizaynini yaratish borasida o‘zining tavsiyalari bilan o‘rtoqlashdi. Bu kabi tadbirlarni BuxDU da ko‘plab tashkil qilish borasida o‘zining fikrlari bilan o‘rtoqlashdi. A.M.Kadirov Filologiya fakulteti jamoasi tomonidan A. Fitrat hayoti va ijodiga bag‘ishlangan “Hayot yo‘llarimizni yoritgan inson” mavzusida tashkil qilingan tadbirni yuqori baholab, barcha tashkilotchilarga minnatdorchilik bildirdi.Bayonlashtirdi: T.A.RajabovBuxDU Matbuot xizmati
