Mamlakatimizda 1-oktyabr "Ustoz va murabbiylar kuni" deb belgilangan. O‘qituvchilik kasbini e’zozlash, mehnatini qadrlash va munosib rag‘batlantirish ta’lim sohasidagi islohotlarning muhim yo‘nalishiga aylangan. Yosh avlodni barkamol inson etib kamolga yetkazishga alohida e’tibor qaratish xalqimizga xos ezgu fazilatlardan biridir.Xalqimizning "Ustoz otangdek ulug‘" degan hikmatli naqlida ustozlarga bo‘lgan samimiy ehtirom va hurmat asrlar osha davom etib kelmoqda. Buxoro davlat universitetida ham ustozlarga bo‘lgan samimiylik, hurmat va ehtirom eng yuqori darajada. Universitetimizda faxriy professor-o‘qituvchilar unvoniga ega bo‘lgan elimiz ardog‘idagi professor-o'qituvchilar, olimlar, betakror hissa qo‘shib kelayotgan ustozlar bilan birgalikda faoliyat yuritayotganimizdan juda ham faxrlanamiz. Ustozlarning talabalarga berayotgan beqiyos bilim va saboqlari yosh iqtidor egalarini doimiy ruhlantirib kelmoqda. "Ustoz ko‘rgan shogird" maqomiga erishayotgan yosh avlod vakillari ustozlarning duolari, o‘gitlari va samarali mehnatlari oldida bosh egib ta’zimlar etishmoqda.Fursatdan foydalanib barcha talabalar hamda universitet jamoasi nomidan mehribon va jonkuyar ustozlarimizni bugungi bayram bilan muborakbod etaman! Baxtimizga doimo sog‘ salomat bo‘ling. Siz hamisha bizning ardog‘imizdasiz.Hurmat va ehtirom ila, Buxoro davlat universiteti rektori, iqtisodiyot fanlari doktori, professor Obidjon Xafizovich Xamidov
