2020-yil 26-avgust kuni Buxoro davlat universiteti katta yig‘ingohida “2020-2021 o‘quv yiliga tayyorgarlik hamda Mustaqilligimizning 29 yilik bayram tantanalarini ko‘tarinki ruhda o‘tkazish” mavzusiga bag‘ishlangan seminar bo‘lib o‘tdi.Seminarni Oliy va o‘rta maxsus ta'lim vazirligining Ma'naviy-axloqiy tarbiya boshqarmasi boshlig‘i O.Bazarov olib bordilar. Seminarda Buxoro viloyatidagi barcha Oliy ta'lim muassasalari prorektorlari, bo‘lim boshliqlari, bo‘lim uslubshunoslari, yoshlar bilan ishlash bo‘yicha fakul'tetlar dekan o‘rinbosarlari, pedagog-tarbiyachilar, psixologlar, xotin-qizlar kengashi raislari, OTM va fakul'tet Yoshlar ittifoqi yetakchilari, matbuot kotiblari, talaba sport klubi raisi o‘rinbosarlari ishtirok etdilar.Seminarni Buxoro davlat universiteti Yoshlar bilan ishlash bo‘yicha prorektor A.M.Kadirov kirish so‘zi bilan ochib, barchani Mustaqilligimizning 29 yilligi bayrami munosabati bilan tabrikladi. Seminar davomida O.Bozorov o‘z nutqida barcha seminar ishtirokchilarini mustaqilligmimzning 29 yilligi bilan qutlab, 2020-2021 o‘quv yilida Mustaqillik darslarini onlayn tarzda tashkil etish borasidagi tavsiyalar, seminar ishtirokchilarining yangi taklif va g‘oyalari borasida fikr almashib, yangi o‘quv yilida qo‘llash lozim bo‘lgan rejalar to‘g‘risida gapirib o‘tdi. Barchamizni pandemiya sharoitida ishlashga ko‘nikishimizga hamda oldinga qo‘ygan istiqbolli rejalarni amalga oshirish borasida bajariladigan ishlar to‘g‘risida gapirib o‘tdi.Talaba yoshlarimizning pandemiya davrida yetarlicha bilimga hamda ma'naviy ma'rifiy jihatdan yuksalishi borasida o‘tkazilayotgan onlayn tadbirlar, 5 ta muhim tashabbus bo‘yicha qilinishi lozim bo‘lgan ishlar, ZOOM platformasidagi uchrashuvlar mohiyati hamda tanlovlarning yanada takomillashtirish bo‘yicha tavsiyalar berib o‘tdi. Bugungi sinovli kunlarda psixologlar, xotin qizlar kengashi ish faoliyatining to‘g‘ri yo‘lga qo‘yilishi borasida fikr almashib, tegishli ko‘rsatmalar berib o‘tdi. O.Bozorov barchani shukronalik hamda ertangi kunga ishonch hissi bilan yashashga, yoshlarimiz kelajagi, ma'naviyatli va ma'rifatli bo‘lib ulg‘ayishiga befarq bo‘lmasligimiz, ularning nojo‘ya hatti harakatlari Oliy tahlim tizimi uchun isnod ekanligini ta'kidlab o‘tdi. Seminar davomida O.Bozorov seminar ishtirokchilarini qiziqtirgan barcha savollariga, qiynab kelayotgan muammolarini yechimini topish borasida to‘laqonli javob berdi. Seminar karantin qoidalariga rioya qilgan holda ko‘tarinki ruhda o‘tdi.