Joriy yilning 19-aprel kuni Buxoro viloyati xalq deputati Obidjon Xamidov oʼzi saylangan tumanga tashrif buyurib, Koronavirus pandemiyasi tarqalishini oldini olish va aholi oʼrtasida hozirgi juda sinovli davrda, aholi daromadlarining keskin kamayib borganligi va ularning hozirgi karantin davrida uyda qolib, qanday oʼtkazayotganliklari bilan tanishib chiqdi.Davlatimiz rahbari Sh.Mirziyoyev raisligida joriy yil 14-aprelda qishloq xoʼjaligi va oziq-ovqat mahsulotlari yetishtirishga bagʼishlangan videoselektor yigʼilishlarida oziq-ovqat xavfsizligini taʼminlashga qaratilgan kompleks va tizimli choralar muhokama qilindi.Deputatimiz tashrifni Gʼijduvon tumani oila va mahalla vazirligining Gʼijduvon tumani boʼlimida tashkil qilingan markazlashgan holda aholining kam taʼminlangan va hozirgi kunda yordamga muhtoj aholiga kerakli oziq-ovqat mahsulotlarini yetkazib berish tashkil qilingan Xayriyalarni muvofiqlashtirish markazi shtab faoliyatini tuman xokimi M.Umarov bilan birgalikda koʼzdan kechirdi. Аlbatta u yerda tashkil qilingan ish jarayonini yanada takomillashtirish, oziq ovqat mahsulotlarini markazlashgan holda aholiga yetkazib berish, koʼngillilar tomonidan aholiga yetkazib berish tizimini yoʼlga qoʼyilganligi eʼtirof etish mumkin.Oziq-ovqat va boshqa zaruriy buyumlarni yetkazib berish uchun tashkil qilingan hayriyalarni muvofiqlashtirish markazi faoliyatini tizimli yuritish maqsadida Buxoro davlat universitetining G'ijduvon tumanida istiqomat qiluvchi talaba-yoshlari va professor-o'qituvchilari shtab faoliyatiga ko'ngilli ravishda qo'shildilar. BuxDU Matbuot xizmati
