2020 yilning 17 iyun kuni O'zbekiston Respublikasi Innovatsion rivojlanish vaziri akademik Abduraxmonov Ibroxim Yulchiyevich Buxoro viloyatiga tashrif buyurdi. Mehmonni viloyatdagi 4 ta oliy ta'lim muassasalari rektorlari kutib oldilar. Dastlab tashrif davomida Ibroxim Abduraxmonov Buxoro shahrida joylashgan "BCT- denim devision" tekstil fabrikasi faoliyati bilan yaqindan tanishdi. Shuningdek Innovatsion rivojlanish vaziri Ilmiy-innovatsion g'oyalar va ishlanmalar yarmarkasiga ham tashrif buyurib bir qator ilmiy innovatsion loyihalar bilan yaqindan tanishdi. Mazkur hududiy yarmarka ham viloyatdagi oliy taʼlim muassasalarining innovatsion ijodkorlik salohiyatini namoyish etdi. Unda iqtisodiyotning ustuvor yo‘nalishlariga tegishli 57 ta ilmiy innovatsion g‘oya va ishlanmalar ishtirokchilar eʼtiboriga havola etildi. Yarmarkada O‘zbekiston Respublikasi innovatsion rivojlanish vaziri Ibrohim Abdurahmonov, Buxoro viloyati hokimligi va viloyatdagi 4 ta oliy taʼlim muassasasi mutasaddilari, ishlanmalar mualliflari, olimlar, xususiy tadbirkorlar ishtirok etdi. Tadbirda Buxoro davlat universiteti vakillaridan 15 ta tadqiqotchilar o‘z ishlanmalari bilan qatnashdilar. Yarmarka davomida tashkiliy qo‘mita tomonidan 29 ta jami 42,4 milliard so‘mli loyihalar muhokama qilindi. Mazkur loyihalar doirasida 1778 ta yangi ish o‘rni yaratilishi va yiliga 146,6 milliard so‘mlik mahsulot ishlab chiqarilishi rejalashtirilmoqda. BuxDU Matbuot xizmati
