2020-yilning 3-iyun kuni Buxoro davlat universitetida doktorantlar va stajor-tadqiqotchilarning an'anaviy ilmiy-uslubiy onlayn seminari bo'lib o'tdi. Ushbu ilmiy seminarni Buxoro davlat universiteti rektori Obidjon Xamidov kirish so'zi bilan ochib berdi. Shuningdek, seminarda Buxoro davlat universiteti ilmiy ishlar va innovatsiyalar bo'yicha prorektori O.S.Qahhorov Ilmiy tadqiqot ishlarining olib borilishi yuzasidan ko'rsatmalar to'g'risida gapirib o'tdi. Doktorantlardan S.S.Ibragimov Xalq xo'jaligi uchun mo'ljallangan quritgich-cho'chitgich kombinatsiyashtirilgan so'nggi quyosh qurilmasini tadqiq qilish va yaratish to'g'risida batafsil ma'ruza qildi. 3-bosqich doktoranti Sh.M.Farmonova Loyihaviy ta'lim vositasida bo'lajak o'qituvchilarning kommunikativ madaniyatini shakllantirish bo'yicha gapirib o'tdi. Seminarni Ilmiy tadqiqot, innovatsiyalar va ilmiy-pedagogik kadrlarni tayyorlash bo'limi boshlig'i G.T.Zaripov boshqardi.Ushbu ilmiy-uslubiy seminarda O.S.Qahhorov tomonidan BuxDU iyun oyida "Chet tili" fanidan o'tkaziladigan malakaviy imtihonlarga to'liq jalb qilinishi, bo'ladigan malakaviy imtihonlarga, doktorantlarning shaxsiy reja va dasturlarida keltirilgan vazifalar ijrosi, shuningdek dissertatsiya himoyasini o'z muddatida va muddatdan oldin himoya qilishlari uchun topshiriq va tavsiyalar berib o'tildi.Buxoro davlat universiteti Matbuot xizmati
