Bugun Buxoro davlat universitetida Filologiya fakulteti Oʼzbek tilshunosligi kafedrasi tashabbusi bilan “Tа’lim bosqichlаridа til vа аdаbiyot: globаllаshuv jаrаyonidа integrаtsion oʼqitish istiqbollаri” mavzusida on-line vebinar oʼtkazildi.Respublikaning taniqli tilshunos, metodist olimlari oʼzaro fikr almashishdi. Professorlar – Obidjon Xamidov (BuxDU), Mamatqul Joʼraev(OʼzFА), Darmonoy Oʼraeva(BuxDU), Gʼayrat Murodov (BuxDU), dotsentlar –Otabek Qahhorov (BuxDU), Bashorat Bahriddinova (QarDU), Gulnora Oripova (Fargʼona malaka oshirish), Saida Nazarova (BuxDU), Dilorom Yoʼldosheva (BuxDU), Bibish Joʼraeva (BuxDU), Bayramali Qilichev (BuxDU), Аtoullo Аhmedov (BuxDU)larning onadek moʼtabar tilimiz va uning taʼlimi ravnaqiga bagʼishlangan fikr-mulohazalari tinglandi. Fikr, tajriba almashish uchun tanlangan qulaylikdan mamnunmiz.Vebinarda aytilgan fikrlardan:Yaqinda Аdliya vazirligi tomonidan ishlab chiqilgan “Oʼzbekiston Respublikasining Maʼmuriy javobgarlik toʼgʼrisidagi kodeksining 42-moddasiga qoʼshimcha kiritish toʼgʼrisida”gi qonun loyihasi Yagona interaktiv davlat xizmatlari portaliga jamoatchilik muhokamasidan oʼtkazilishi uchun joylashtirilganligi, loyiha qisqa muddatda koʼpchilikning diqqat-eʼtiborini tortganligi zamondoshlarimizning ona tilimiz a uning taqdiriga eʼtiborli ekanligidan dalolatdir. (BuxDU rektori, prof.O.Xamidov)Ilmiy izlanishlar natijasida «Oʼzbek fol’klori namunalari»ning 100 tomligini chop ettirishga yetarli materiallar jamlangan. (prof.M.Joʼraev)Folklyor namunalari yer yuzida tilshunoslik, adabiyotshunoslik ilmidan, hatto yozuvdan ham ilgariroq paydo boʼlgan durdonadir.(prof.D.Oʼraeva)Dunyo adabiyoti xalqlar adabiyoti integratsiyasining betakror mahsulidir. (Prof.Gʼ.Murodov)Tilga boʼlgan eʼtibor elga, yurtimizga boʼlgan hurmat, bir-birimizga boʼlgan mehr, muhabbat ramzidir. (dots.O.Qahhorov)Oʼzbek farzandlari uchun maktab lugʼatlari yaratishning allaqachon vaqti yetgan. (dots.B.Bahriddinova)Oliy taʼlimda «Hozirgi oʼzbek tili» fanining oʼzini ham kurslar boʼyicha interatsiyalashgan tizimda oʼqitishimiz biz kutgan samarani berishi muqarrar.(dots.S.Nazarova)Soha mutaxassislari nazariya bilan cheklangan, ilmiy jihatdan pishiq darsliklar bolaning ijtimoiy hayoti, umuman amaliy jarayon uchun samarasiz ekanligini; nazariy bilimlar bolaning «tili»ni bogʼlayotganligini tan olishmasa, ona tili taʼlimi borasidagi muammolar chekinmaydi. (dots.D.Yoʼldosheva)Bola oʼz ona tilida tafakkur qilishini inobatga olib ish tutishimiz muhim. (dots.B.Joʼraeva)Maktab «Ona tili» darsliklarining mualliflari koʼproq amaliyotdagi oʼqituvchilardan boʼlishi kerak. (dots.B.Qilichev)Taʼlim tizimida uzviylikni taʼminlash, integratsiyani toʼgʼri yoʼlga qoʼyish, avvalo, taʼlim beruvchining saviyasiga bogʼliq. (dots.А.Аhmedov)Аytilgan fikr-mulohazalar ogʼizda qolib ketmasligidan umidvormiz, zero, butun respublikamizda ona tilimizning nufuzini saqlab qolish va uning taʼlimiga jiddiy eʼtibor qaratish ommaviy tus olgan. Matn: Dilorom Yoʼldosheva, BuxDU dotsentiBuxDU Matbuot xizmati
