Sayyoramizda yashayotgan barcha insoniyat boshiga bugun katta kulfat tushganligi tufayli koʼpchilik azob chekmoqda. Bu SOVID-19 nomi bilan jahonni larzaga keltirgan, insonlarni titratgan, koʼzga koʼrinmas koronavirus balosidir. Bu ofat Oʼzbekistonni ham chetlab oʼtmayotir. Besh oydirki mamlakatimizda karantin eʼlon qilinib xalqimizni bu ofatdan qutqarish uchun qanchalik saʼy-harakatlar qilinmoqda.Muhtaram Prezidentimiz Shavkat Mirziyoevning kechayu-kunduz xalqimiz sogʼligi uchun qaygʼurib qabul qilayotgan qarorlari, oʼtkazayotgan selektorlari, rahbarlar bilan muloqotlari barcha vijdonli, insofli, xalqimiz bilan hamdard, hamnafas boʼlgan har bir kishini befarq qoldirmasa kerak.Respublikamiz rahbariyati mamlakatning har bir fuqarosi uchun shu ogʼir kunlarda qaygʼurmoqda. Pandemiyaning birinchi kunlaridan boshlab chet elda qolgan fuqarolarimizni bu ofatdan qutqarish uchun vatanga olib kelish boshlanib, bu hol bugungacha davom etmoqda. Vatanimizda har bir kasalga chalingan yurtdoshimizga qilingan gʼamhoʼrlik, uni sogʼlom hayotga qaytarish oson kechmayotganligidan har birimiz xabardormiz. Bugun sogʼliqni saqlash xodimlarining benazir qilayotgan xizmatlarini xalqimiz, davlat rahbarlari sidqidildan his qilib, ularning qahramonliklariga tasannolar aytmoqdalar. Shunday ogʼir sharoitda fermerlarimiz, qishloq xoʼjalik xodimlarimiz, tadbirkorlarimiz kechayu-kunduz xizmat qilib xalqimiz dasturxonini toʼkin-sochin qilish uchun mehnatda jasorat koʼrsatmoqdalar.Аyniqsa, iqtisodiyot tarmoqlari va sanoat sohalarini uzluksiz ishlashini taʼminlash, aholini ijtimoiy qoʼllab-quvvatlash, uning daromadlarini keskin pasayib ketishini oldini olish maqsadida davlatimiz rahbari tomonidan kuni-kecha qabul qilingan “Koronavirus pandemiyasi davrida aholi, iqtisodiyot tarmoqlari va tadbirkorlik subьektlarini qoʼllab-quvvatlashga doir qoʼshimcha chora-tadbirlar toʼgʼrisida”gi farmon ushbu holatning salbiy taʼsirlarini yumshatish boʼyicha oʼzining ijobiy natijalarini tobora namoyish etmoqda. Shuni alohida taʼkidlash joizki mamlakatimizda koronavirus pandemiyasi tarqalishining oldini olish maqsadida eʼlon qilingan karantin davrida ham ishlab chiqarish korxonalari oʼz faoliyatini bir maromda davom ettirmoqda. Qarangki, hatto eksportyor korxonalar tomonidan ham jahon bozoriga sifatli mahsulotlarni yetkazib berish bir daqiqa toʼxtagani yoʼq. Bu koʼp sinovlarni boshidan oʼtkazgan, katta tajribaga ega boʼlgan, barcha qiyinchiliklarni sabot bilan mardona yengib kelayotgan xalqimiz jasoratining yorqin namunasidir.Respublika Prezidentining 2020 yil 30 iyul kuni qabul qilgan “Koronavirus pandemiyasi davrida ijtimoiy himoyaga va yordamga muhtoj aholi qatlamlarini moddiy qoʼllab-quvvatlashga doir qoʼshimcha chora-tadbirlar toʼgʼrisida”gi farmonida koʼrsatilishicha, byudjetdan qoʼshimcha ikki trillion soʼm ajratilib, ushbu mablagʼlar bir million yetti yuz ming yordamga muhtoj aholi, uch million yetti yuz ming nafar pensioner va shu yil yakuniga qadar qoʼshimcha besh yuz ming nafar ijtimoiy nafaqa oluvchilarga yoʼnaltirilganligi taʼkidlandi. Xalqimizga koʼrsatilayotgan bu moddiy yordam albatta davlatimizning xalqqa boʼlgan gʼamxoʼrligining yorqin nishonasidir.Karantin davomida taʼlim tizimining barcha sohalarida, jumladan, OTMlarda ham ish faoliyati toʼxtagan emas. Onlayn tizimi bilan taʼlimning turli jabhalari qamrab olingan. Professor-oʼqituvchilar va talabalar oʼrtasida boʼlgan muloqotlar davom etmoqda. Ilmiy sohani rivojlantirishga alohida eʼtibor qaratilmoqda. Xorijiy hamkorlar bilan olib borilayotgan ishlar bir daqiqa toʼxtagan emas. Kadrlar malakasini oshirish, ilmiy kengashlarining faoliyatini yuritish uzluksiz yoʼlga qoʼyilgan. Аyniqsa, professor-oʼqituvchilar va talabalarni moddiy jihatdan qoʼllab-quvvatlashga katta eʼtibor qaratilmoqda.Shu kecha-kunduzdagi qiyinchiliklarga qaramasdan 2020 yil 1 sentyabrdan boshlab, davlatimiz tomonidan pensiya va nafaqalar oʼn foizga oshirilishi rejalashtirilmoqda. Bu ham davlatimizning xalqimizga boʼlgan yuksak mehribonlik namunasidir. Biz davlatimiz yaratayotgan bugungi sharoitga shukronalik qilishimiz zarur, chunki shukronalik xalqimizning azaliy qadriyatidir. Bu ogʼir sharoitda har bir inson aql va farosat bilan ish koʼrishi kerak va beparvolikka yoʼl qoʼymasligi kerak. Ommaviy axborot vositalarida berilayotgan maʼlumotlarni kuzatar ekansiz, bugun davlatimiz tomonidan koʼrsatilgan sanitariya-epidemiologik va ijtimoiy qoidalarga toʼliq rioya qilmaslik maʼlum qiyinchiliklarni vujudga keltirmoqda. Shuning uchun barchamiz tibbiy madaniyatga rioya qilishimiz va bilimlarimizni oshirib, kamchiliklarimizni bartaraf qilishga urinishimiz kerak. Аgar barchamiz karantin talablariga, sanitariya-gigiena qoidalariga va ijtimoiy talablarga hamda shifokorlarimizning berayotgan xolisona maslahatlariga tayangan holda faoliyat yuritsak, bu koʼzga koʼrinmas yov ustidan gʼalaba qozonishimiz muqarrar.Sulaymon Inoyatov,Buxoro davlat universiteti professori, t.f.d.
