Bugungi kunda islom diniga nisbatan butun dunyoda qiziqish uyg’onmoqda, buning boisi dinimizning pokligi, insonparvarligi, bag’rikengligi, insonni komillikka chorlashidir. Eng ajablanarlisi, islom dinini niqob qilib manfur ishlarini, g’arazli niyatlarini amalga oshirib kelayotgan kimsalar hali ongi shakllanib ulgurmagan, tajribasiz yoshlarni tuzog’iga ilintirib, ulardan o`zlarining nopok maqsadlari yo`lida foydalanib kelishlaridir. Bunday harakatlar avvalo ma`naviy hayotimizga salbiy ta`sir ko`rsatishini barchamiz chuqur anglab olishimiz va xulosa qilishimiz zarur. Yoshlarimizning ma`naviy olamida bo`shliq bo`lmasligi uchun ularning qalbi va ongida sog’lom hayot tarzi, milliy va umummilliy qadriyatlarga hurmat-ehtirom tuyg’usini, vatanga, ota-onaga, qarindosh-urug’larga nisbatan mehr-muhabbat, sadoqat tuyg’ularini yoshligidanoq tarbiyalashimiz eng asosiy burchimiz va vazifamiz sanaladi. Xiyonat, sotqinlik, beparvolik kabi illatlarga qarshi kurashish borasida ularda immunitet shakllantirishimiz muhim.2020 yil 2 iyun’ kuni Yoshlar bilan ishlash ma`naviyat va ma`rifat bo`limi tomnidan “Jaholatga qarshi ma`rifat” mavzusida onlayn seminar tashkil etildi. Seminarni Yoshlar bilan ishlash bo`yicha prorektor A.M.Kadirov kirish so`zi bilan boshlab, yurtboshimiz ilgari surgan 5 ta muhim tashabbus ya`ni yoshlarning bo`sh vaqtlarini mazmunli, unumli tashkil etishni ta`minlab borishimiz hamda nazorat qilishimiz, ularning ilmli va ma`rifatli bo`lishlariga jiddiy e`tibor qaratishimiz, har bir o`sib kelayotgan avlod uchun har birimiz mas`uliyatli ekanligimiz to`g’risida ma`ruza qildi. Shuningdek, vaqtimizni g’animat bilib, o`zimizni ham, farzandlarimizni, biz ta`lim berayotgan talabalarni ҳam hunarmandlik, kitobxonlik, sport va foydali ishlar bilan mashg’ul bo`lishimiz barchamiz uchun foydali ekanligi, ana shunda biz jaholatga qarshi ma`rifat bilan javob bergan bo`lamiz deya ta`kidlab o`tdi. Seminarda shuningdek, Tarix va madaniy meros fakul’teti, Milliy g’oya, ma`naviyat asoslari va huquq ta`limi kafedrasi katta o`qituvchisi Qodirov Davron Hoshimovich, shu kafedra o`qituvchisi Gadoev Dadaxon Xayrullaevich talabalarga hamda barcha seminar ishtirokchilariga yurtboshimiz ta`kidlaganlaridek, “Oldimizda turgan eng ezgu maqsadimiz- mamlakatimizning buyuk kelajagi ham , ertangi kunimiz, erkin va farovon hayotimiz ham, O`zbekistonning 21 asrda jahon hamjamiyatidan qanday o`rin egallashi ham – bularning barcha barchasi, avvalombor, yangi avlod, unib, o`sib kelayotgan farzandlarimiz qanday insonlar bo`lib voyaga etishga bog’liqdir” degan purma`no fikrlarini mazmun mohiyatini etkazish, ularni kitobxonlikka, ma`rifat egallashga yetaklashni o`z ma`ruzalarida maqsad qilib oldilar.Seminar Buxoro shahar “Xo`ja Ismat” jome` masjidi imom xatibi Salohiddin Gadoev o`z ma`ruzalari bilan yana ҳam qiziqarli davom etdi. S.Gadoev talabalarga “ “Jaholatga qarshi ma`rifat” ni qurol qilgan ajdodlarimizdan bizgacha yetib kelgan boy ma`naviy meros o`ziga xos najot qal`asi, himoya qo`rg’oni vazifasini o`taydi. Shuning uchun bu ulug’vor qadriyat barcha olimu fuzalolar tomonidan ulug’langan. Ular butun umrlarini ilm ma`rifatni targ’ib etishga baxshida etganlar. Shunday ekan, Islom dini insonni ruhiy , jismoniy polklanish yo`li bilan kamolotga etaklab, muntazam ravishda ijtimoiy faollikka, ma`rifatli bo`lishga da`vat etadi” deya ta`kidlab o`tdi.Bugungi sinovli kunlarda pandemiya sababli barchamiz uyda, oila a`zolarimiz davrasida bo`lib, ilm ma`rifat qanchalik ziyo ekanligini anglab etdik. Darslar, tadbirlar, tanlovlar, viktorinalar barchasi onlayn tarzda o`tkazilib, unda jamiyatimizning 7 yoshdan 70 yoshgacha bo`lgan insonlari ishtirok etdi. Ta`lim, tarbiya tizimi to`xtab qolgani yo`q. Shunday ekan, yurtimiz tinch, xalqimiz hayoti farovon, kelajak avlod sog’lom baquvvat bo`lishida ilm va ma`rifatda izlanaylik. Yoshlar bilan ishlash ma’naviyat va ma’rifat bo’limi uslubshunosi Sh.E. Radjabova