2020-yil 12-mart kuni Buxoro davlat universiteti katta majlislar zalida Oʼzbekiston Respublikasi Bosh vazirining 2020-yil 28-yanvardagi 07/91-1-sonli topshirigʼi, Oliy va oʼrta maxsus taʼlim vazirligining 2020-yil 5-fevraldagi 87-04-450-sonli, 26 fevraldagi 87-06-186-sonli va 27 fevraldagi 87-04-716-sonli topshiriqlari va Buxoro viloyat hokimligining 2020 yil 25 fevraldagi 2/696-sonli chora-tadbirlar rejasi va Buxoro davlat universitetining 2020 yil 3 martdagi chora-tadbirlar rejasini hamda Oʼzbekiston Respublikasi Prezidentining 2020 yil 29 yanvardagi “Oʼzbekiston Respublikasiga koronavirusning yangi turi kirib kelishi va tarqalishining oldini olish yuzasidan chora-tadbirlar dasturini tayyorlash boʼyicha respublika maxsus komissiyasini tashkil etish toʼgʼrisida”gi F-5537-sonli farmoyishini ta’minlash maqsadida Buxoro davlat universiteti rektorining 2020 yil 5 fevraldagi “Vazirlikning 2020 yil 31 yanvardagi 75-sonli buyrugʼi ijrosi toʼgʼrisida”gi 93-U-sonli buyrugʼi talablarini ijrosini taʼminlash mavzusida seminar oʼquv mashgʼuloti oʼtkazildi. Oʼquv mashgʼulotida - Buxoro davlat universiteti yoshlar bilan ishlash boʼyicha prorektori А.M.Kadirov, Buxoro viloyati bandlik bosh boshqarmasi Mehnatni muhofaza qilish boʼyicha Davlat mehnat inspeksiyasi mehnatni muhofaza qilish boʼyicha davlat texnik bosh inspektori А.T.Аmonov, Buxoro davlat universitetining shifokori M.S.Karimova, Buxoro shahar yongʼindan saqlash boʼlimi boshligʼi А.I. Hakimov va Buxoro davlat universiteti Fuqaro va mehnat muhofazasi boʼlim boshligʼi F.F. Boltaev hamda 250 nafardan ortiq universitet professor-oʼqituvchilari va ishchi-xizmatchilar ishtirok etdi. Oʼquv mashgʼulotini Buxoro davlat universitet Yoshlar bilan ishlash boʼyicha prorektori А.M.Kadirov ochib, kun tartibidagi masalalar bilan seminar oʼquv mashgʼuloti ishtirokchilarini tanishtirib oʼtdi. Buxoro viloyati bandlik bosh boshqarmasi Mehnatni muhofaza qilish boʼyicha Davlat mehnat inspektsiyasi mehnatni muhofaza qilish boʼyicha davlat texnik bosh inspektori А.T.Аmonov Oʼzbekiston Respublika Mehnatni muhofaza qilish qonunining 23-moddasi talablari asosida “Mehnat qonunchiligidagi oʼzgarishlar” toʼgʼrisida maʼruza qildi, Buxoro davlat universitetining shifokor xonasi shifokori M.S.Karimova COVID-19 koronavirus infektsiyasining kelib chiqishi, uning tarqalish omillari, oldini olishga qaratilgan profilaktik ishlar kuchaytirish toʼgʼrisida maʼruza qildi, Buxoro davlat universiteti Fuqaro va mehnat muhofazasi boʼlim boshligʼi F.F.Boltaev Oʼzbekiston Respublikasi Mehnatni muhofaza qilish toʼgʼrisidagi 2016 yil 26 oktabrdagi qonuni boʼyicha tushuntirib, slaydlar namoyish qilindi hamda Buxoro shahar yongʼindan saqlash boʼlimi boshligʼi А.I. Hakimov yongʼin oʼchirish vositalarini ishlatish tartibini amaliy tushuntirib beradi.Seminar mashgʼuloti yakunida universitet Fuqaro va mehnat muhofazasi boʼlim boshligʼi F.F.Boltaev oʼquv mashgʼulotiga tashrif buyurgan mutaxassislar va ishtirokchilarga minatdorchilik bildirib, ular tomonidan berilgan maʼlumotlar professor-oʼqituvchilar va ishchi-xizmatchilar qiziqarligi toʼgʼrisida aytib oʼtdi.Buxoro davlat universiteti Matbuot xizmati
