24-25-26-27- fevral kunlari BuxDU Iqtisodiyot va turizm fakultetida universitet talaba-yoshlariga yaratilgan sharoitlar va ularning ta’lim-tarbiyasini yanada yuksaltirishga qaratilgan ustuvor vazifalarni hamda birinchi semestr yakunlari bilan tanishtirish maqsadida 1-2-3-bosqich -bosqich talabalarining ota-onalari ishtirokida yig'ilish o'tkazildi.Kun tartibidagi asosiy masalalar qishki jarayon yakunlari, shartnoma to'lovining bajarilishi, universitet ichki tartibi va odob-axloq qoidalariga rioya qilish bo'lib, yig'ilishni universitet Yoshlar bilan ishlash bo’yicha prorektori A.Qodirov, fakultet dekani D.Sh.Yavmutov, kafedra mudirlari A.A.Abdullaev, S.S.Ro’ziev va S.Tojieva ochib berishdi.Bundan tashqari, iqtidorli talabalarni qo'llab-quvvatlash, chet el hamda mahalliy grantlar, hokim stipendiyasi, fan olimpiadalariga tayyorgarlik haqida ham so'z bordi. Yig'ilishni guruh murabbiylari 1-jarayon yakunlari haqida davom ettirdilar. Ularning nutqidan so'ng ota-onalarning o'quv yurti haqidagi fikrlari va takliflari eshitildi. Quvonarli jihati shu bo'ldiki, ota-onalar o'quv yurtidagi olib borilayotgan tizim, darslarning sifati, pedagoglarning talabalar oldiga qo'ygan talablar haqida ijobiy fikrlar bildirishdi. Yig’ilishda qatnashgan iqtidorli va iste’dodli, a’lo baholarga o’qiydigan va tengdoshlariga o’rnak bo’ladigan talabalarni ota-onalariga tashakkurnomalar berildi.*Manba: Narzullayeva Gulchehra Buxoro davlat universiteti Matbuot kotibi Otabek Jalolov