Oʼzbekiston Respublikasi Vazirlar Mahkamasining 2020 yil 7 fevraldagi 56-F-sonli buyrugʼiga asosan Xorijiy tillar fakulteti Nemis va fransuz tillari kafedrasi tashabbusi bilan tashkil qilingan “Taʼlim tizimida chet tillarni oʼrganishning zamonaviy muammolari va istiqbollari” mavzusidagi xalqaro ilmiy-amaliy konferensiya 2020 yil 5 mart kuni ish boshladi. Ushbu anjumanning maqsadi ilm-fan va ma`rifat jadallik bilan rivojlanayotgan mamlakatimizdfa ta`lim tizimi barcha bosqichlarida chet tillarini mukammal o`rganishning zamonaviy muammo va yechimlari hamda istiqbollari masalalariga qaratilgan. Anjumanda bir qator davlat vakillari hamda viloyatdagi til va tilshunoslik sohasi mutaxassislari ishtirok etdilar.Ilmiy-amaliy anjuman yalpi majlisida tabrik so`zlari bilan BuxDU rektori O.X. Xamidov, viloyat hokimining ma`naviy-ma`rifiy ishlar samaradorligini oshirish, davlat tili to`g`risidagi qonun hujjatlariga rioya etilishini ta`minlash masalalari bo`yicha maslahatchisi F.B. Ibragimova, Buxoro viloyat turizmni rivojlantirish departamenti rahbari S.R. Bobokalonov, Respublika “Oila” ilmiy-amaliy tadqiqot markazining Buxoro viloyat boshqarmasi boshlig`i, O`zbekiston Respublikasi Oliy Majlisi Senati a`zosi A.A. Huseynova shuningdek, Hindiston elchixonasi qoshidagi Lal Bahadur Shastri nomidagi Hindiston madaniyat markazi direktori, professor Chander Shekharlar qatnashdilar. Shundan so`ng, anjumanda chet ellik mehmonlar Ravendir Gargesh, Mina Gavel, Svenja Krauselar va mahalliy ishtirokchilarining ma`ruzalari tinglandi. Kunning ikkinchi yarmida esa, ishtirokchilar uchga bo`linib sho`ba yig`ilishlarida bo`ldilar. Ushbu sho`balar ishi orqali zamonaviy tilshunoslikda uchrayotgan kamchiliklar va ularning yechimlari hamda ta`lim tizimida, o`qitishdagi yangicha metodologiyalari xususida to`xtalib o`tildi. Bugun 2020 yil 6 mart kuni ham xalqaro ilmiy-amaliy konferensiya faoliyatini quyidagi shoʼbalarda davom ettirmoqda.1-shoʼba. Tilshunoslik fanining dolzarb masalalari.2-shoʼba. Tarjimashunoslik, adabiyotshunoslik va lingvomadaniyatshunoslik xususiyatlari.3-shoʼba. Jahon adabiyoti va folklorshunosligining umumbashariy omillari.4-shoʼba. Xorijiy tillarni oʼqitishning innovatsion texnologiyalari va ularni oʼqitishda pedagogik hamkorlik: tajriba, metod va natija.5-shoʼba. Ilm-maʼrifatni rivojlantirishda chet tillarining ahamiyati kabi.Ta`kidlash o`rinliki, bu kabi tashkil etilayotgan xalqaro anjumanlar chet tillarni o`qitishda hamda ularning ommabop va hammabopligini ta`minlashda muhim ko`prik bo`lib xizmat qiladi.Buxoro davlat universiteti Matbuot xizmati
