Buxoro davlat universitetinirng faollar zalida Iqtisodiyot va turizm fakulteti bilan Harbiy taʼlim fakulteti hamkorlikda Oʼzbekiston Respublikasi Qurolli Kuchlarining 28 yilligi va “14 yanvar Vatan himoyachilari kuni”ga bagʼishlab bagʼishlab “Milliy armiya bayrami-mening bayramim” mavzusidagi tantanali yigʼilish boʼlib oʼtdi. Unda Turizm va mehmonxona xoʼjaligi kafedrasi tomonidan taklif qilingan Buxoro viloyati 28803 harbiy qismining orkestr shaxsiy tarkibi va tadbirda ishtirok professor oʼqituvchilar hamda talabalar ishtirokida Oʼzbekiston Respublikasi Madhiyasini jonli ijro etdilar. Shundan soʼng tadbirni ochib berish uchun soʼzni Harbiy taʼlim fakulteti boshligʼi podpolkovnik Аʼlomirzo Toʼlamirzaevich Baboev tadbirni kirish soʼzi bilan ochdi va Oʼzbekiston Respublikasi Qurolli Kuchlarining 28 yilligi va “14 yanvar Vatan himoyachilari kuni” bilan barcha yigʼinganlarni muborakbod etdi. Shundan soʼng, Buxoro davlat universiteti Yoshlar bilan ishlash boʼyicha prorektor Qodirov Orif Maxmudovich soʼzga chiqib, tadbir ishtirokchilarga Vatanparvarlik tuygʼusining naqadar sharafli tuygʼu ekanligi haqida yigʼilganlarga oʼzlarining fikr mulohazalarini bildirdi.– Vatanparvarlik ota-bobolardan qolgan zaminni sevish, xalq urf-odatlarini, qadriyatlarini asrash va rivojlantirish, oʼz ona-Vatanini dushmanlardan, yot va begona gʼoyalardan himoya qilish, uning ozodligi va mustaqilligi uchun jonini ham ayamaslikdir. Baʼzida vatanparvarlik qahramonlik bilan egiz boʼladi. Mustaqil ona-Vatanimiz sarhadlarini yovuz niyatli kimsalardan himoya qilishda mardlik va jasorat koʼrsatib, qahramonlarcha halok boʼlgan botir yigitlarning jasorati yuksak insoniy fazilatdir. Ularning nomlarini hech qachon Vatan, xalq unutmaydi. Ular yurtimiz tinchligini hamma narsadan aziz bilib, oʼzlarini fido qildilar. Ularning buyuk jasorati biz – yoshlarga bebaho ibratdir. Demak, hurmatli talabalar nafaqat harbiylar, balki har birimiz vatanparvar boʼlishimiz shart va zarurdir.Tinchlik eng oliy va bebaho neʼmatdir. Tinch yurtda yuksalish va bunyodkorlik rivoj topadi. Аzizlar, ona-Vatan tinchligini asrash yoʼlida oʼz hissamizni qoʼshish, har birimizning insoniy va muqaddas burchimizdir.Prezidentimiz taʼkidlaganidek, Vatanimiz sarhadlarining mudofaasi va himoyasi, xalqimizning tinch mehnati va osoyishtaligini taʼminlash ishonchli qoʼllarda ekan, vatanparvar himoyachilarimiz baxtimizga hamisha omon boʼlsin. Yurtimizda tinchlik abadiy hukm sursin! Bayramingiz qutlugʼ boʼlsin!, deb oʼz soʼzini yakunladi. Shundan soʼng, Buxoro davlat universiteti ishchi-xodimlar va talabalar kasaba uyushmasi raisi professor Siddiq Qaxxorovich Qaxxorov soʼzga chiqib, Buxoro davlat universiteti rektorining ragʼbatlantirish toʼgʼrisidagi buyrugʼini oʼqib eshittirdi. Iqtisodiyot kafedrasi iqtidorli talabalari tomonidan Oʼzbekiston Respublikasi Qurolli kuchlarining 28 yilligi va Vatan himoyachilari kuni munosabati bilan ingliz, rus, xitoy va oʼzbek tillarda sheʼriy tabriklarini yetkazdilar. Tadbir davomida Harbiy taʼlim fakulteti talabalari tomonidan qoʼl jangi chiqishlari hamda Vatan toʼgʼrisidagi qoʼshiqlar ijro etildi. Iqtisodiyot va turizm fakulteti 3 kurs talabasi Mehmonxona xoʼjaligini tashkil etish yoʼnalishida tahsil olayotgan Raximova Gulxayo Vatanparvarlik hissini uygʼotadigan qoʼshiqlari bilan tadbir ishtirokchilarni tabrikladi. Iqtisodiyot va turizm fakulьteti 4 kurs talabasi Аngilina va uning jamoasi Buxorocha raqs ijro etdi. Harbiy taʼlim fakultetining talabalari tomonidan quvnoqlar va zukkolar “Chempion” jamoasi oʼz chiqishlari bilan tadbir ishtirokchilariga zavqva shavqni ulashdilar. Shundan soʼng Sanatshunoslik fakulteti oʼqituvchisi Rajabov Аzamat asar toʼgʼrisida tabrik qoʼshigʼi bilan ishtirok etdi. Shuningdek, uchrashuv soʼngida talaba-yoshlar tadbirdan koʼtarinki ruh hamda zavq-shavq olishdi.
