Universetimizda bugungi kunda xorijiy ta'lim muassasalari bilan o'zaro hamkorlikni keng yo'lga qo'yish, chet el ilg'or tajribalarini ta'lim jarayoniga tatbiq etish, xorijiy grantlarni qo'lga kiritish orqali pedagog xodimlarning kasbiy malakasini oshirish va pirovard natijada raqobatdosh kadrlarni yetishtirishga alohida e'tibor qaratilmoqda. Shundan kelib chiqqan holda Ingliz tilshunosligi kafedrasining qo'lga kiritgan AQSh granti asosida AQShning Perdue Universiteti Falsafa Fanlari Doktori (PhD) Lin Zimerman 2020-yil 23-yanvardan boshlab Xorijiy tillar fakultetining Ingliz tilshunosligi, Ingliz adabiyoti va Tabiiy fanlar uchun Ingliz tili kafedralari professor-o'qituvchilari uchun “Continuing Professional Education: Fundamental Principles Of Creation E-materials” (Uzluksiz kasbiy ta'lim: elektron o'quv materiallarini yaratish asoslari) maxsus trening kursi hamda ingliz tilshunosligi kafedrasi 11-1,2,3,4,5 ing17 guruh talabalari uchun "O'quv adabiyotlarini tanlash va yangilarini yaratish" moduli bo'yicha "Copyright and fair use" ya'ni "Mualliflik huquqi va vijdonan yondashuv" mavzusida trening o'tkazilmoqda. Ushbu treninglar interaktiv tarzda olib borilib, Xorijiy tillar fakulteti o'qituvchilarining bilim malakalarini hamda kasbiy mahoratlarini onlayn o'quv materiallarini tayyorlash orqali oshirishga qaratilgan. Eng asosiysi, bu treninglar bilimga chanqoq talaba yoshlar hamda bir qator professor-o'qituvchilar uchun katta qiziqish uyg'otmoqda. O'qituvchilarimiz ingliz tilida nutqni, so'zlashuvni rivojlantirishga qaratilgan elektron darslik yaratish sir asrorlarini Amerikalik Linn xonimdan o'rganib kelishmoqda. Treninglar aprel oyiga qadar davom etadi.
