Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasida respublikamizdagi kamida 10 ta oliy taʼlim muassasasini xalqaro eʼtirof etilgan tashkilotlar (Quacquarelli Symonds World University Rankings, Times Nigher Education yoki Academic Ranking of World Universities) reytingining birinchi 1 000 ta oʻrindagi oliy taʼlim muassasalari roʻyxatiga, shu jumladan Oʻzbekiston Milliy universiteti va Samarqand davlat universitetini birinchi 500 ta oʻrindagi oliy taʼlim muassasalari roʻyxatiga kiritish boʻyicha vazifalar belgilangan.Mazkur vazifalar ijrosini taʼminlash maqsadida Taʼlim sifatini nazorat qilish davlat inspeksiya tomonidan bir qator nufuzli xalqaro tashkilotlar bilan hamkorlik qilinmoqda. Xususan, xalqaro reytingdan oʻrin olishda OTM pedagoglarining xalqaro nashrlarda eʼlon qilgan maqolalari muhim oʻrin tutadi. Shu sababli ushbu yoʻnalishda dunyoning ilgʻor xalqaro tashkilotlaridan biri boʻlgan Elsevier kompaniyasi bilan hamkorlikda OTMlarning Scopus bazasida oʻz profillarini ochib, Scopus bazasida xorijlik professor-oʻqituvchilar bilan hammualliflikda maqolalar chiqarish boʻyicha ishlar boshlab yuborilgan.Jumladan, joriy yilning 23-dekabr kuni Elsevier tashkilotining Markaziy Osiyo boʻyicha mintaqaviy direktori Aliya Ospanova O'zbekiston Respublikasi Vazirlar Mahkamasi huzuridagi ta'lim sifatini nazorat qilish davlat inspeksiyasi taklifiga binoan Buxoro viloyatiga tashrif buyurdi. O'zbekiston Respublikasi Vazirlar Mahkamasi huzuridagi ta'lim sifatini nazorat qilish davlat inspeksiyasi Ishlar boshqaruvchisi Ismailov Nodir Nizamovich mehmonni Buxoro davlat universitetiga doktorant, tayanch doktorantlar hamda mustaqil izlanuvchilar bilan o'tkaziladigan suhbatga taklif etdi.Tashrif davomida Aliya Ospanova OTMda oʻquv jarayonining tashkil etilishi, axborot-resurs markazi, test markazi, elektron kutubxonani koʻzdan kechirdi.Elsevier tashkilotining Markaziy Osiyo boʻyicha mintaqaviy direktori BuxDU rektori O.X. Xamidov bilan boʻlgan uchrashuvda dunyoning eng nufuzli ilmiy-tahliliy reyting platformalaridan foydalanish, muallif-olimlar reytingi, ilmiy jurnallar, tashkilotlar, universitetlar reytinglarini oshirish imkoniyatlari kabi masalalar toʻgʻrisida fikr almashdi. Uchrashuvda shuningdek, O'zbekiston Respublikasi Vazirlar Mahkamasi huzuridagi ta'lim sifatini nazorat qilish davlat inspeksiyasi Buxoro viloyati hududiy bo'lim boshlig'i Fayzullo Sattorov ham qatnashdilar. Yakunda Elsevier tashkiloti bilan kelgusidagi hamkorlik rejalari belgilab olindi. Maʼlumot uchun, Elsevier bugungi kunda dunyodagi eng katta ilmiy maʼlumotlar bazasi hisoblanadi. Tashkilotning maqsadi jahonda ilm-fanni rivojlantirishdan iborat boʻlib, u 5 mingdan ortiq nashriyot va 23 ming ilmiy jurnalni birlashtiradi va dunyoning 7 milliondan ziyod tadqiqotchilari ulardan foydalanadi. Elsevier bazasida 2019-yilda eng koʻp oʻqituvchi va eng koʻp havola beriluvchi ilmiy jurnallar qamrab olingan.Buxoro davlat universiteti Matbuot kotibi Otabek Jalolov
