Bugun Buxoro davlat universiteti rektori O.X. Xamidov Buxoro viloyati G’ijduvon tumani 8-son hamda 60-son ixtisoslashtirilgan maktablarda maktab o‘quvchi-yoshlari hamda o’qituvchilari bilan uchrashuv o‘tkazdi.Ushbu uchrashuvlar O'zbekiston Respublikasi Prezidenti Administratsiyasi rahbari huzurida 2019 yil 28 avgust kuni o'tkazilgan 15-sonli majlis bayoni va O'zbekiston Respublikasi Prezidenti Administratsiyasining 2019 yil 15 noyabrdagi 26143-xh-son topshirig'iga muvofiq O'zbekiston Respublikasi Prezidentining yoshlarni vatanparvarlik ruhida tarbiyalash va jamiyatda o'qituvchi mavqeini oshirish bo'yicha bergan topshiriqlari ijrosi doirasidagi ishlarni tizimli tashkil etish, islohotlar samaradorligini ta'minlash, o'qituvchilarning kasbiy mahoratini oshirish, ta'lim sifati nazoratini kuchaytirish hamda tarbiya sohasida zamonaviy uslublarni qo'llash ishlarini tizimli tashkillashtirish maqsadida tashkil etildi. Ushbu maktablarga tashrif buyurilib u yerda o'qituvchi va o'quvchilarga "Rektor soati" hamda "Xayot saboqlari" ochiq darslari o'tkazildi.Ta’kidlanganidek, ushbu tashrifdan ko‘zlangan asosiy maqsad maktabda tahsil olayotgan o‘quvchi-yoshlarni kelgusi hayotida kelajagini oliy maqomga olib chiqish maqsadida maktab va oliy o‘quv yurtlari o‘rtasida integratsiyalashuvni kuchaytirishdir.O’quvchi-yoshlarga ishtirokchilariga universitet tarixi, universitetda faoliyat yuritayotgan bir qancha iste’dodli olimlar, akademiklar va professorlar, iqtisod fanlari doktorlari umr va ijod yo‘li namuna sifatida gapirib berildi. Hayotning o‘zi zamonaviy mutaxassislarga bir qator vazifalarni, ya’ni zaruriy axborotga ega bo‘lish, mustaqillik sharoitida mamlakatimiz maqsad va vazifalarini aniq ko‘ra bilish, mukammal bilimli bo‘lish va ana shu bilimlarni hayotning barcha jabhalariga – ishlab chiqarish, madaniyat, iqtisodiyot, ijtimoiy, ma’naviyat va ma’rifat sohalariga ijodiy yondashgan holda qo‘llay bilish kabi vazifalarni qo‘ydi.Uchrashuvlar davomida BuxDU rektoriga o’quvchi yoshlar bir qator xorijiy tillarda she’rlar aytib berishdi. Shuningdek, o’quvchi yoshlar rektorimizdan o’zlarini qiziqtirgan savollarga javob oldilar. Rektorimiz tomonidan dono va zukko o’quvchilarga kitoblar sovg’a qilindi. Buxoro davlat universiteti Matbuot kotibi Otabek Jalolov
