Joriy yilning 29-oktyabr kuni BuxDU Gumanitar yo’nalishlarda chet tili kafedrasi a’zosi Sobirova Z. R tomonidan Olot tuman 28-son umumiy o`rta ta`lim maktabida “Chet tili darslarida o`quvchilarning og`zaki nutqini rivojlantirish” mavzusida davra suhbati bo`lib o`tdi.Davra suhbatini Olot tumani 28 – son umumiy o’rta ta’lim maktabi direktori ochib berdi. U o’z so’zida hozir bir oy davomida maktabda ingliz tili oyligi ekanligini ta’kidlab o’tib, maktabda ingliz tiliga oid to`garaklar tashkil qilinganini, chet tiliga bo`lgan e`tiborni kuchaytirish maqsadida ingliz tiliga bag’ishlab katta va kichik sinf o’quvchilari tomonidan tadbirlar o’tkazilayotganini aytib o’tdi. Shu bilan bir qatorda BuxDU o’qituvchilarining ular bilan hamkorlik qilayotganidan mamnunligini bildirdi. So’ngra BuxDU Gumanitar yo’nalishlarda chet tili kafedrasi o’qituvchisi Sobirova Z. R. so’zga chiqib, chet til haqidagi fikrlarini bayon qildi: "Til – millat ko’zgusi. Prezidentimiz tashabbusi bilan chet tiliga e`tiborni kuchaytirish maqsadida ingliz tilini o`rganish asosiy qadamlardan biri bo’lgan edi. Yurtimiz mustaqil bo’lgach, ona tilimiz o’z o’rni va mavqeiga ega bo’ldi" - deya ta`kidladi. Shundan keyin, “Chet tili darslarida o`quvchilarning og`zaki nutqini rivojlantirish” mavzusida mahorat darsi boshlanib, Olot tumani 28 – son umumiy o’rta ta’lim maktabining bir necha ingliz tili o`qituvchilariga chet tili xonasida jamlanib master-klass o`tkazildi. Mahorat darsi boshlang`ich bilimga ega bo`lgan maktab o`quvchilarini gapirish ko`nikmasini rivojlantirishga bag`ishlangan bo`lib, dars davomida har xil o`qitish metodikasi, tarqatma materiallar va multimedia vositalaridan samarali foydalandi. Mahorat darsi yakunida Gumanitar yo’nalishlarda chet tili kafedrasi o’qituvchisi Sobirova Z. R. maktabning 4-5 sinf o’quvchilari davrasida chet tilida darsni kuzatib, o`z maslahatlarini berib o`tdi.
