BuxDU Ingliz tilshunosligi kafedrasi oʼqituvchilari X.Sh. Saidov va I.I. Аkramovlar OTM hamda maktablar bilan oʼzaro hamkorlik doirasida G'ijduvon tumani 24-sonli umumiy oʼrta taʼlim maktabida boʼlishdi.24-sonli maktab direktori professor-o'qituvchilarimiz kutib oldi. Oʼzbekiston Respublikasi Prezidenti tomonidan ilgari surilgan “Yoshlar maʼnaviyatini yuksaltirish, ularning boʼsh vaqtlarini mazmunli tashkil etish” boʼyicha 5 ta muhim tashabbus haqida maktab direktori gapirar ekan, ushbu tashabbuslarning yoshlar hayotida katta ahamiyat kasb etajagini taʼkidladi. Shu sababdan uning ijrosini taʼminlash maqsadida maktabda darslardan keyin 20 ga yaqin fan toʼgaraklari tashkil qilingan. Maktabda “5 ta tashabbus burchagi” tashkil qilingan boʼlib, unda oʼquvchilarning qoʼl mehnati bilan yasalgan koʼplab zardoʼzchilik va tasviriy sanʼat buyumlarini koʼrib koʼzingiz quvnaydi. BuxDU ingliz tilshunosligi kafedrasi oʼqituvchisi X.Sh. Saidov tashkil qilingan tadbirning aʼlo darajada oʼtganligini taʼkidlab, tashkilotchi oʼqituvchilarga oʼz minnatdorchiligini bildirdi. Bugungi kunda yoshlarni har tomonlama yetuk, komil inson boʼlib voyaga yetishida kitobxonlik, kompyuter savodxonligi, sport va jismoniy tarbiya, ayniqsa til oʼrganishning ahamiyati ortib bormoqda. "Shu munosabat bilan men ushbu taʼlim muassasiga tashrif buyurdim va bolalar bilan davra suhbati oʼtkazdim" - deydi X.Sh. Saidov. Bolalarning til oʼrganishga boʼlgan qiziqishlari va ingliz tilida ravon gapirishga harakat qilishlari meni lol qoldirdi. Maktabda 1 ta ingliz tili xonasi mavjud boʼlib, xonalar ingliz tilini oʼqitish uchun lozim boʼlgan posterlar, magnitofon, ovoz kuchaytirgich moslamalari va turli rangli rasmlar borligiga guvoh boʼldim. Biroq ingliz tili xonalarida kompyuter va lingafonlar mavjud emas. Shunga qaramasdan bolalarning til oʼrganish boʼlgan ishtiyoqi balandligi bu dargohda darslarning oʼz vaqtida boʼlayotganligi, oʼquvchilarning darsliklar bilan toʼliq taʼminlanganligidan dalolat beradi.
