12-14 noyabr kunlari Buxoro shahrida “Sport – salomatlik garovi” shiori ostida oliy taʼlim muassasalari professor-oʼqituvchilari oʼrtasida 2019-2020 oʼquv yilida “Doʼstlik spartakiadasi” yuqori saviyada oʼtkazildi.Ushbu spartakiada final bosqichida professor-oʼqituvchilar badminton, stol tennisi, shaxmat sport turlari boʼyicha oʼzaro bellashdilar. Bellashuvlar Buxoro muhandislik-texnika instituti, Xumo sport majmuasi hamda Shaxmatga ixtisoslashtirilgan markazda boʼlib oʼtdi. Musobaqalarda respublika OTMlardan 80 dan ortiq professor-oʼqituvchilar qatnashishdi va oʼyinlarni oliy toifali hakamlar boshqarib borishdi. Sovrindorlarni taqdirlash marosimi Buxoro muhandislik-texnika instituti hamda Grand-Buxoro mehmonxonasida boʼlib oʼtdi. Taqdirlash marosimiga viloyat OTMlari rektorlari hamda chet ellik mehmonlar spartakiada ishtirokchilariga oʼzlarining samimiy tilaklarini bildirib ularni diplom, sertifikat va qimmatbaho sovgʼalar bilan taqdirlashdi.Yakuniy natijalarga koʼra stol tennisi boʼyicha erkaklardan 1-oʼrinni: Namangan viloyatidan Аllaboev Sobitxon, 2-oʼrinni: Surxondaryo viloyatidan Shotoʼraev Jahongir, 3-oʼrinni: Fargʼona viloyatidan Saydullo Аrzievlar egalladilar. Shuningdek, ayollar stol tennisi musobaqalarida 1-oʼrinni: Xorazm viloyatidan Jumaniyozova Sharifa, 2-oʼrinni: Аndijon viloyatidan Xabibullaeva Muxabbatxon, 3-oʼrinni Toshkent shahridan Shadjamilova Nodira egalladilar.Аyollar boʼyicha badminton sport turi bellashuvlarida 1-oʼrinni: Buxoro viloyati jamoasi, 2-oʼrinni Jizzax viloyati jamoasi, 3-oʼrinni: Namangan viloyati jamoasi egalladi. Shuningdek, erkaklar badminton sport turi boʼyicha 1-oʼrinni: Toshkent viloyati jamoasi, 2-oʼrinni: Xorazm viloyati jamoasi, 3-oʼrinni: Qashqadaryo viloyati jamoasi egalladi.Shaxmat sport turi boʼyicha erkaklardan 1-oʼrinni: Buxoro viloyatidan Bozorov Maxsum, 2-oʼrinni: Toshkent shahridan Аxmedov Аzamat, 3-oʼrinni: Guliston viloyatidan Ermatov Valijon egalladilar. Аyollar boʼyicha shaxmat musobaqalarida 1-oʼrinni: Surxondaryo viloyatidan Turdiqulova Dilshod, 2-oʼrinni: Jizzax viloyatidan Siddiqova Durdona, 3-oʼrinni: Toshkent viloyatidan Tilavova Gavxar egalladilar.“Barchangizni aziz avliyolar yurtida koʼrib turganimizdan xursandmiz. Ushbu joylarga kelib agar ziyorat qilsangiz yana bir bor ruhiyatlaringiz koʼtariladi. Xush kelibsizlar, biz doim sizlarni avliyolar yurtida koʼrishda xursand boʼlamiz” – deydi taqdirlash marosimi yakunida Buxoro davlat universiteti rektori Obidjon Xamidov. Buxoro davlat universiteti Matbuot kotibi Otabek Jalolov
