Respublikamizda talaba-yoshlarni jismoniy tarbiya va sport sog‘lomlashtirish sohasidagi davlat siyosatini amalga oshirish hamda sport musobaqalari orqali talabalarni sog‘lom turmush tarziga yo‘naltirish, talabalarni bo‘sh vaqtini mazmunli o‘tkazish maqsadida sport musobaqalari orqali talabalarda yuksak vatanparvarlik va milliy qadriyatlarga sodiqlikni shakllantirish nazarga tutilgan.Kurash milliy sport turini talabalar orasida keng targ‘ib qilish va ommalashtirish maqsadida musobaqa tashkil etildi. Buxoro davlat universiteti kurash zalida “Milliy kurash” sport turi bo‘yicha BuxDU fakultetlari yigitlari o‘rtasida Buxoro Davlat Universiteti birinchiligi o‘tkazildi. Jamoalar olimpiya o‘yinlari tartibda guruhlarga bo‘lindilar.2019 yil 1 noyabr kuni soat 13:30da ishtirokchi talabalar tarozidan o‘tkazilish boshlandi. Musobaqada ishtirok etish uchun talabnomalar, ishtirok etuvchi universitetning fakultet jamoalari tomonidan BuxDU kurash zaliga soat 14:30 tarozidan o‘tish boshlangunga qadar qabul qilindi. Soat 15:00 da musobaqalar BuxDU kurash zalida Jismoniy madaniyat nazariyasi va uslubiyoti kafedrasi mudiri R.S.Shukurov so‘zga chiqib, kurash bo‘yicha talabalarning sport mahoratini ko‘rikdan o‘tkazish va terma jamoa a’zolarini shakillantirishda musobaqaning o‘rni beqiyos ekanligini takidlab o‘tdi. Undan keyin musobaqada hakamlik qiladiganlardan biri xalqaro toifadagi hakam J.Djo‘raev raport berdi va jamoalar tayyorgarlik ko‘rib musobaqa boshlandi. Musobaqada Buxoro davlat universiteti barcha fakultet 1-4 kurs yigitlari shaxsiy birinchilikda qatnashdilar. Musobaqa o‘tkazish shartlarini musobaqa Xalqaro Kurash Assotsiatsiyasi tasdiqlagan qoidalar asosida o‘tkaziladi. Jamoalardan har vazn toifasida ikki va undan ortiq sportchi ishtirok etdi. Vazn toifalari: Yigitlar: 60, 66, 73, 81, 90, 100, +100 va undan ortiq vaznlar ishtirok etdi. Kurash musobaqasiga tayyorgarlik ko‘rish va o‘tkazishga Buxoro davlat universiteti “Jismoniy madaniyat nazariyasi va uslubiyoti” kafedrasi professor o‘qituvchilari tomonidan amalga oshirildi. Talabalar, muxlislar uchun qiziqarli o‘yinlarni taqdim etib berishdi. Musobaqa g‘oliblari diplom, medal va qimmatbaho sovg‘alar hamda Jismoniy madaniyat fakulteti rahbariyati tomonidan esdalik sovg‘alar bilan taqdirlandi.
