Respublikamizda talaba-yoshlarni jismoniy tarbiya va sport sogʼlomlashtirish sohasidagi davlat siyosatini amalga oshirish hamda sport musobaqalari orqali talabalarni sogʼlom turmush tarziga yoʼnaltirish, talabalarni boʼsh vaqtini mazmunli oʼtkazish maqsadida sport musobaqalari orqali talabalarda yuksak vatanparvarlik va milliy qadriyatlarga sodiqlikni tarbilayash asosiy vazifa deb belgilangan.Kurash milliy sport turini talabalar orasida keng targʼib qilish va ommalashtirish maqsadida musobaqa tashkil etildi. Buxoro davlat universiteti kurash zalida “Milliy kurash” sport turi boʼyicha BuxDU fakultetlari xotin-qizlari oʼrtasida Buxoro davlat universiteti birinchiligi oʼtkazildi. Jamoalar olimpiya oʼyinlari tartibda guruhlarga boʼlinishdi.2019 yil 24 oktyabr kuni soat 13:30da ishtirokchi talabalar tarozidan oʼtkazilish boshlandi. Musobaqada ishtirok etish uchun talabnomalar, ishtirok etuvchi universitetning fakultet jamoalari tomonidan BuxDU kurash zaliga soat 13:30 tarozidan oʼtish boshlangunga qadar qabul qilindi. Soat 14:00 da musobaqalar BuxDU kurash zalida Jismoniy madaniyat nazariyasi va usuliyoti kafedrasi mudiri R.S.Shukurov soʼzga chiqib, kurash boʼyicha talabalarning sport mahoratini koʼrikdan oʼtkazish va terma jamoa aʼzolarini shakillantirishda musobaqaning oʼrni beqiyos ekanligini ta`kidlab oʼtdi. Undan keyin musobaqada hakamlik qiladiganlardan biri xalqaro toifadagi hakam J.Djoʼraev raport berdi va jamoalar tayyorgarlik koʼrib musobaqa boshlandi.Musobaqada Buxoro davlat universiteti barcha fakultet 1-4 kurs xotin qizlar talabalari shaxsiy birinchilikda qatnashdilar. Musobaqa oʼtkazish shartlarini musobaqa Xalqaro Kurash Аssotsiatsiyasi tasdiqlagan qoidalar asosida oʼtkaziladi. Jamoalardan har vazn toifasida ikki va undan ortiq sportchi ishtirok etdi. Vazn toifalari: Qizlar: 48, 52, 57, 63, 70, 78, +78 va undan ortiq vaznlar ishtirok etdi. Kurash musobaqasiga tayyorgarlik koʼrish va oʼtkazishga Buxoro davlat universiteti “Jismoniy madaniyat nazariyasi va uslubiyoti” kafedrasi professor oʼqituvchilari tomonidan amalga oshirildi. Talabalar muxlislar uchun qiziqarli oʼyinlarni taqdim etib berishdi. Musobaqa gʼoliblari diplom, medal va qimmatbaho sovgʼalar hamda Jismoniy madaniyat fakulteti rahbariyati tomonidan esdalik sovgʼalar bilan taqdirlandi.
