2019-yilning 23-oktabr kuni Buxoro davlat universiteti talabalar turar joyida kafedra kuni munosabati bilan "Islom tarixi va manbashunosligi, falsafa" kafedrasi katta o'qituvchisi A.T. Qayumova tomonidan "Sog'lom oila - sog'lom genofond poydevori" nomli tadbir o'tkazildi. Ushbu tadbirda Buxoro shahar 6-son oilaviy poliklinika vrachi F. Rafiqova, hamshira Z. Izomova hamda yotoqxona talaba qizlari ishtirok etishdi.Kun tartibiga yotoqxonada turadigan talaba-qizlar turmush tarzini o'rganish (A.T. Qayumova) hamda talaba-qizlarga vrach maslahati kiritildi. Tadbirda qo'yilgan birinchi masala bo'yicha kafedra o'qituvchilari talaba-qizlarning turmush sharoitini o'rganish maqsadida ular xonalarini ko'zdan kechirib, muammo va kamchiliklarini atroflicha o'rganib, kerakli ko'rsatma va maslahatlarni berdilar. Shundan so'ng ma'naviy-ma'rifiy xonasida talaba qizlarni chaqirib, yotoqxonada tashrif buyurgan vrachlar bilan suhbatlashdilar. Tadbir tashkilotchisi A.T. Qayumova so'zga chiqib, talaba qizlarga yotoqxonadagi ahvol, kamchiliklar, talaba qizlarning kundalik turmush tarzi, muomala madaniyati xulq-atvori to'g'risida chuqur to'xtaldilar. Shuningdek, tadbirda Buxoro shahar 6-son oilaviy poliklinika bosh vrachi F. Rafiqova so'zga chiqib, qizlarga bugungi kunda tibbiyot sohasidagi yutuqlar, qizlarni oilaga tayyorlash, qizlarning tibbiyot sohasiga oid bilim qarashlari, salomatlik va unga oid muammolar to'g'risida chuqur to'xtalib, talaba-qizlar ham o'zlarini muammolari, gigiyenaga oid savollar bilan murojaat qilib, kerakli tavsiya, maslahat oldilar.Tadbirda kafedra o'qituvchisi D. Rajabova ham so'zga chiqib talabalarga ularning xulq-atvori, kiyinish-madaniyati, tozalik, orastalik to'g'risida o'z fikrlarini bildirdilar. Tadbir juda qiziqarli mazmunli va eng asosiysi talaba-qizlar o'zlarini qiynab yurgan savollarga aniq javob olib, kelgusida berilgan maslahat va ko'rsatmalarga rioya qilishlarini aytib o'tdilar.
