Har bitta oilaning, jamiyatning va albatta, millatning oʼz tartib qoidalari, qonunlari mavjud boʼladi. Uni bilmaslik unga rioya qilmaslik esa mudhish ishlarga va kulfatlarga olib kelishi shubhasiz. Mamlakatning rivoj topishiga, taraqqiyotning yuksak choʼqqilarni egallashiga, ilm-fan sohasiga gʼov boʼladigan illatlardan biri bu – korruptsiyadir.O'zbekiston Respublikasi Prezidentining 2019 yil 27 maydagi "O'zbekiston Respublikasida korrupsiyaga qarshi kurashish tizimini yanada takomillashtirish chora-tadbirlari to'g'risida"gi PF-5729-sonli Farmoni ijrosi yuzasidan 2019-yilning 16-oktabr kuni Buxoro davlat universitetida "Korrupsiyaga qarshi kurashish" mavzusida ma'naviy-ma'rifiy tadbir o'tkazildi. Ushbu tadbirni Buxoro davlat universiteti Yoshlar bilan ishlash bo'yicha prorektori A.M. Kadirov ochib berdilar. Tadbirda Buxoro viloyati prokuraturasi xodimi Jasur Latipov, "Milliy g'oya, ma'naviyat asoslari, huquq ta'limi" kafedrasi katta o'qituvchisi I.H. Shoyev, Mir Arab madrasasi mudarrisi J. Mavlonov va universitet faol iqtidorli talaba yoshlari qatnashishdi. Shuningdek, Agronomiya va biotexnologiya hamda Maktabgacha va boshlang'ich ta'lim fakultetlari 1-bosqich talabalari tadbir mehmonlari uchun sahna ko'rinishlarini namoyish etdilar. Tadbir so'ngida "Yoshlar Vatan xizmatida rostgo'ylik va qonunlarni hurmat qilish tarafdori" mavzusida ijodiy ishlar tanlovi g'oliblarini hamda tadbirda faol ishtirok etgan talabalarni taqdirlash marosimi bo'lib o'tdi. Tanlov natijalariga koʼra “Eng yaxshi bayon” nominatsiyasi boʼyicha Xorijiy tillar fakulteti talabasi Аbdullaeva Nozima 2- oʼrinni va Rajabova Nigina 3-oʼrinni egalladi. Tanlovlarda ishtirok etgan barcha talabalarning oʼqishlarida muvafaqqiyatlar tilaymiz.
