BuxDU Maktabgacha va boshlang‘ich ta’lim fakulteti BuxDU “Ibn Sino salomatlik maskani” ma’rifat markazi bilan hamkorlikda O‘zbekiston Respublikasi Bosh prokuraturasi tomonidan tarmoqlarda tarqalgan “Dorixona giyohvandligi” mavzuidagi 2019-yil 13-iyuldagi xatning ijrosini ta’minlash maqsadida «Hushyorlik davr talabi» mavzuida davra suhbati o‘tkazildi.Tadbirga Maktabgacha va boshlang‘ich ta’lim fakulteti yoshlar bilan ishlash bo‘yicha dekan muovini N. Safarova, BuxDU “Ibn Sino salomatlik maskani” ma’rifat markaz rahbari G.S. Muratova, Ekologiya kafedrasi Valeologi S. Mardonova hamda 4-3MT-19 va 4-4MT-19 talabalari va guruh rahbarlari ishtirok etishdi.Inson salomatligi – bu eng avvalo, uzoq umr ko‘rish davomida yuqori sur’atdagi ishchanlik qobiliyati va ijtimoiy faolligini, uning psixik va fiziologik sifatlarini saqlash va rivojlantirishdir. Salomatlik – inson kamolotining muhim tarkibiy qismlaridan biri bo‘lib, inson shaxsining hech kim daxl qila olmaydigan huquqi, muvafaqqiyatli ijtimoiy va iqtisodiy rivojining shartidir. Turmush tarzi — bu bizning hayot faoliyatimiz, ya’ni bir kecha-kunduzni qanday tartibda o‘tkazishimizdir. Turmush tarzi deganda, insoniyatning butun tarixiy taraqqiyot rivojlanish davomida orttirgan, ming yillar davomida shakllangan yashash turi yoki tartibi tushuniladi. Har bir inson o‘zi tug‘ilib o‘sib yashayotgan ijtimoiy-iqtisodiy jamiyat munosabatlarining mahsuli hisoblanadi. Inson ana shu jamiyatda uzoq yillar davomida shakllangan ijtimoiy me’yorlarga, ya’ni odatlarga ko‘nikma hosil qiladi va tabiiyki shunga rioya qiladi. Shu ijtimoiy me’yorlarga rioya qilish jarayoni mazkur jamiyatdagi turmush tarzining ijtimoiy-iqtisodiy, ijtimoiy-ruhiy va ijtimoiy-tabiiy jarayonlar ta’sirida kechadi. Insonning eng buyuk orzusi sog‘lom bo‘lish va sog‘lom uzoq umr ko‘rishdir, ana shu maqsad yo‘lida u hamisha izlanishda. Odamlarda insoniy ong shakllanibdiki, ular kasalliklarni va o‘limni qattiq qo‘rquv bilan qabul qiladi. Tadbir oxirida talabalar o‘zlarini qiziqtirgan savollarni mutaxasislarga berib javoblar olishdi.
