2019-yilning 3-may kuni Buxoro davlat universitetida "Adabiyotshunoslik va tarjimashunoslikning dolzarb muammolari: adabiy jarayon, qiyosiy adabiyotshunoslik, uslubshunoslik va tilshunoslik masalari" mavzusida respublika ilmiy-amaliy anjumani bo'lib o'tdi. Ilmiy-amaliy anjumanda Buxoro davlat universiteti rektori O.X. Xamidov, prorektorlar, universitet professor-o`qituvchilari hamda faol iqtidorli talabalar ishtirok etishdi.Respulikamizdan Farg`ona davlat universiteti, Navoiy davlat pedagogika instituti va boshqa bir qator OTMlardan professor-o`qituvchilar ma`ruza qildilar. Ilmiy-amaliy anjumanning maqsadi: axborotlashtirish va texnika taraqqiy etayotgan bir davrda til o`rganish jarayonlarning o`ziga xos usullarini tadqiq etish, fanning adabiyotshunoslik, tarjimashunoslik, uslubshunoslik, qiyosiy tilshunoslik sohalarining dolzarb muammolari bo`yicha fikr almashish, chet tillarni o`rgatishda badiiy adabiyotning o`rni va adabiy jarayonning keyingi istiqbollarini tahlil qilish maqsadida samarali ilmiy ishlar, kontseptsiyalar va ilg`or ilmiy g`oyalarni jamlashdir.
