Buxoro davlat universiteti filologiya fakultetining o‘zbek adabiyoti kafedrasi tashabbusi bilan oliygohning katta zalida O‘zbekiston Yozuvchilar uyushmasi Buxoro viloyat bo‘limi raisi, “Buxoronoma” gazetasi bosh muharriri Shodmon Sulaymon va shoir Abdunabi Hamro bilan fakultet talabalarining uchrashuvi bo‘lib o‘tdi.Uchrashuvda BuxDU rektori Obidjon Xamidov, prorektorlar Arif Kadirov, Otabek Qahhorovlar ham ishtirok etdilar. Madaniy-ma’rifiy tadbirni universitet rektori ochib, Prezidentimizning 5 tashabbuslariga hamohang tarzda tashkil etilgan ushbu uchrashuv talabalarimizni ijodiy jarayonlarda faol bo‘lishga, vatanga sadoqat, ota-onaga hurmat ruhida tarbiyalashga xizmat qilishini ta’kidladi.Shundan so‘ng filologiya fanlari doktori, professor Sh.Ahmedova ikkala ijodkorning ijodiy faoliyati xususida ma’ruza qildi. Ma’ruza nihoyasiga yetgach, talabalar Shodmon Sulaymon va Abdunabi Hamro she’rlaridan namunalar o‘qishdi.Uchrashuvda tadbir qahramonlari hayotda baxtga, yuksak e’tirof va odamlar mehriga erishmoq uchun kitobga do‘st bo‘lmoq kerak-deyishdi.-Prezidentimiz nega kitobxonlikka katta e’tibor beryaptilar. Rivojlangan mamlakatlarga yetmog‘imiz uchun biz har tomonlama yetuk va barkamol avlodni tarbiyalamog‘imiz zarur.Bundan tashqari shoir Shodmon Sulaymon, universitetdagi yosh ijodkor talabalar mahoratlari haqida o‘z fikrlarini bildirib, ularni O‘zbekiston yozuvchilar uyushmasi tashkil etayotgan “Yosh ijodkorlar” tanlovining Navoiy viloyatidagi hududiy bosqichiga taklif etdi. G‘oliblar “Zomin” dam olish maskanida bo‘lib o‘tadigan Respublika bosqichida ishtirok etadilar.Tadbir davomida ijodkorlar o‘z ijodlaridan namunalar o‘qib, talaba va ustozlar olqishiga sazovor bo‘lishdi. Qolaversa, ijodga oshno yoshlarning savollariga javob ham qaytarishdi.Mannon OtaboyBuxDU matbuot kotibi
