Buxoro davlat universitetida fakultetlararo kitobxonlik musobaqalari avj olib bormoqda. Kecha BuxDUning Xorijiy tillar fakultetiga qarashli Talabalar turar joyida “O‘zbek shoh asarlari ingliz tilida” mavzusida kitobxonlik kechasi bo‘lib o‘tdi. Kechani Ingliz adabiyoti kafedrasi o‘qituvchilari L.Jalilova, F.Xajiyevalar faol talabalar bilan birgalikda tashkil etishdi.Avvalo, o‘qituvchi F.Xajiyeva Abdulla Qodiriyning “O‘tkan kunlar” va Pirimqul Qodirovning “Yulduzli tunlar” romanlarining badiiy qiymati va ularning ingliz tiliga tarjima qilishning ahamiyati haqida talabalarga ma’lumot berdi. Talabalar o‘zlarini qiziqtirgan savollar bilan murojaat qilib, muhokama va baxs-munozarada faol bo‘ldilar. Asardagi badiiy obrazlar, qiziqarli epizodlar, tarixiy madaniy voqealar haqida talabalar o‘z fikr munosabatlarini bildirdilar. Shundan so‘ng Ingliz adabiyoti kafedrasi o‘qituvchisi L.J.Jalilova asarning ingliz tilidagi variantini talabalarga taqdim etib, I.Karimov fondi loyihasi doirasida Kerol Ermakova tomonidan tarjima qilingan nusxasidan ayrim parchalarni o‘qib, tarjimadagi o‘ziga xos jihatlar to‘g‘risida batafsil gapirib o‘tdi. Boyirova Tursunoy, Muzaffarova Nafisa, Niyozova Nargiza. Abdirimova Madina, Raxmonova Mexriniso “Days gone by” by A.Qadiri and “Starry Nights. Babur” by P.Qodirov asarlaridan parchalar o‘qib ingliz tilidagi variantidan til mohiyati va nozik jihatlari, tarjimonning mahorati haqida munosabat bildirdilar.“Days gone by” by A.Qadiri and “Starry Nighgts. Babur” by P.Qodirov ingliz tilidagi tarjimalardan namunalar o‘qish va tahlil qilish natijasida TTJda istiqomat qiluvchi talabalarning tarjimashunoslik borasidagi bilimlari ham oshdi desak mubolag‘a bo‘lmaydi.Adabiy kecha ana shunday qiziqarli va mazmunli o‘tdi.Mannon OtaboyBuxDU matbuot kotibi
