Buxoro davlat universitetida filologiya fakulteti hamda ingliz tilshunosligi kafedrasi tashabbusi bilan ikki kunlik «Paragmaling vistika, funksional tarjimashunoslik va til o‘rgatish jarayonlari integratsiyasi» mavzusida respublika ilmiy-amaliy anjumani tashkil etildi.Unda Farg‘ona, Navoiy va boshqa viloyatlardagi oliygohlarning hamda viloyat maktablaridagi ingliz tili o‘qituvchilari va talabalar ishtirok etmoqdalar.Konferensiyani BuxDU rektori A.To‘laganov ochib berarkan, bugungi anjumanda qilinadigan ma’ruzalar dolzarbligi bilan, xorijiy tillarni o‘rgatishda tajriba almashish, yangi metodlarni qo‘llash jarayonlarini tezlashtirishi bilan alohida ahamiyatga egaligini ta’kidladi. Zero, dunyoga chiqish, taraqqiy etgan mamlakatlarni quvib etish, ulardagi rivojlangan ilm-fanlardan foydalanish uchun ingliz, rus va boshqa xalqlar tillarini puxta o‘zlashtirishimiz lozimligiga to‘xtaldi. Shuningdek, anjuman ishiga muvoffaqiyat tiladi.Konferensiyani Filologiya fakulteti, ingliz tili va adabiyoti kafedrasi mudiri Z.Rasulov o‘zining “O‘qish ko‘nikmasini baholashdagi ba’zi masalalar to‘g‘risida”gi ma’ruzasi bilan boshladi.Bundan tashqari filologiya fanlari doktori M.Jo‘raevaning “Ertak konsepti” hamda “Ertak freymi”ning mohiyati, Navoiy davlat pedagogika instituti dotsenti M.Qayumovaning “Nutq fe’llarining ingliz va o‘zbek tillaridagi o‘xshash va farqli xususiyatlari”, D.Xodjaevaning “Ingliz tili darslarida samarali instruksiya (ko‘rsatma) berish usullari” kabi maruzalari ham tinglandi.Tushlikdan so‘ng ishtirokchilar 3 ta sho‘baga bo‘linib konferensiya ishini davom ettirdilar. Shunisi diqqatga sazovorki, ilmiy-amaliy anjumanda hamda sho‘balarda qilingan ilmiy asosga ega ma’ruzalar, talabalar ishlari kitob holida chop etildi.To‘plamda respublikamiz olimlari, katta ilmiy xodim-izlanuvchilari va mustaqil izlanuvchilarning xorijiy tillarda o‘quv va badiiy adabiyotlar, elektron darsliklar, ixtisoslashtirilgan rasmlar bilan bezatilgan gazetalar va jurnallarni yaratish hamda chop etish samaradorligini oshirish, yoshlarda chet tilini egallash darajalarining Evropa tizimi (CEFR)ni o‘rganishning o‘rni, yoshlarga chet tilini o‘rgatishning psixologik aspektlari, chet tilini o‘rganishda til xususiyatlarining ahamiyati va muammolari, til va madaniyatlararo kommunikatsiya metodlari, tilshunoslik va adabiyotshunoslik masalalari, uslubshunos olimlarining ilg‘or tajribalari talqini o‘z ifodasini topgan.Ushbu to‘plamdan til muammolari bilan qiziquvchi ilmiy xodimlar, katta ilmiy xodim-izlanuvchilar, mustaqil tadqiqotchi-izlanuvchilar, magistrantlar, talabalar va o‘quvchilar o‘z malakalarini boyitishlari uchun bemalol foydalanishlari mumkin.Ilmiy-amaliy anjuman davom etmoqda.BuxDU matbuot kotibi,Mannon Otaboy
