O‘zbekiston Respublikasi Prezidentining qarori ijrosini ta’minlash va O‘zbekiston Respublikasi Qurolli kuchlari tashkil etilganligining 27 yillik yubileyiga bag‘ishlab mamlakatimizda harbiy vatanparvarlik oyligi o‘tkazilmoqda.Xuddi shunday tadbir Buxoro davlat universitetida ham bo‘lib o‘tdi. Unda universitetning harbiy ta’lim fakulteti ofitser va talabalari, Milliy gvardiya harbiy qism serjant va ofitserlari, Tabbiyot fakulteti talabalari, Buxoro shahridagi 19-son umumta’lim maktabi o‘quvchilari ishtirok etdilar.Tadbirni Buxoro davlat universiteti rektori vazifasini bajaruvchi A.Kadirov ocharkan, ishtirokchilarni Qurolli kuchlarimining yaqinlashib kelayotgan bayrami bilan qutladi. Harbiy ta’lim fakulteti boshlig‘i v.v.b. podpolkovnik A.Vaboev harbiy tizimda amalga oshirilayotgan islohotlar va ular erishayotgan yutuqlar haqida fikr-mulohazalar bildirdi.Shundan so‘ng Ma’naviy yuksalish va vatanparvarlik g‘oyasi bilan sug‘orilgan ushbu tadbirda Milliy gvardiya harbiy qismi o‘z texnika va qurol –aslahalari bilan ko‘rgazmali mashg‘ulotlar tashkil etdi. Bu tadbirlar talabalar va yoshlarga “Vatan-muqaddas, uni himoya qilish sharafli burchdir” g‘oyasini singdirishga qaratildi.Tadbir davomida yoshlarni harbiylarga va harbiy kuchlarimizga bo‘lgan munosabati chaqnab turgan ko‘zlarida o‘z ifodasini topdi. Buni harbiy qism ofitserlari bilan bo‘lgan savol-javoblar va ular ishtirokida vatanni madh etuvchi kuy-qo‘shiqlar yangraganda ham his etib turdik.Tadbir hammaga zavq-shavq ulashdi, desak mubolag‘a bo‘lmaydi. Mannon OtaboyBuxDU matbuot xizmati
