Bank kartalari kundalik hayotimizda qulay to‘lov vositasi bo‘lib, ulardan to‘g‘ri va ehtiyotkorlik bilan foydalanish moliyaviy xavfsizlikni ta’minlaydi. Firibgarlar turli usullar orqali karta egalari ma’lumotlarini qo‘lga kiritishga urinayotgan bir paytda, quyidagi qoidalarga amal qilish juda muhimdir.
Avvalo, bank kartangiz raqami, amal qilish muddati, CVV/CVC kodi hamda SMS orqali keladigan tasdiqlash kodlarini hech qachon begona shaxslarga bermang. Bank xodimlari ham bunday ma’lumotlarni so‘ramasligini unutmang. Noma’lum raqamlardan kelgan qo‘ng‘iroqlar va xabarlarga ishonmang, shubhali havolalar orqali to‘lov yoki tasdiqlash amallarini bajarmang.
Internet orqali to‘lovlarni amalga oshirayotganda faqat ishonchli va himoyalangan saytlar hamda rasmiy ilovalardan foydalaning. Jamoat Wi‑Fi tarmoqlarida bank ilovalari orqali moliyaviy amallarni bajarishdan saqlaning. Karta bilan bog‘liq har qanday shubhali holatda darhol bankingiz bilan bog‘laning va kartani vaqtincha bloklang.
Shuningdek, mobil bank ilovalarida qo‘shimcha himoya choralarini yoqing, kuchli parollardan foydalaning va ularni vaqti-vaqti bilan yangilab turing. Ushbu qoidalarga rioya qilish orqali bank kartangiz va mablag‘laringizni firibgarlardan himoya qilishingiz mumkin.
VIDEONI KO'RISH
