“Telegram”da sizni “kuzatishyapti”, deb o‘ylayapsizmi? Buni aniqlash va oldini olish mumkin. Ayrim hollarda noma’lum akkauntlar tomonidan yozilgan shubhali xabarlar, kutilmagan qo‘ng‘iroqlar yoki ruxsatsiz qo‘shilgan guruh va kanallar sizning akkauntingiz xavfsizligi buzilganidan darak berishi mumkin.
Bunday holatni aniqlash uchun, avvalo, “Telegram” sozlamalaridagi Devices (Qurilmalar) bo‘limini tekshiring. Agar sizga noma’lum bo‘lgan qurilmalar yoki joylashuvlarni ko‘rsangiz, ularni darhol o‘chiring. Shuningdek, Privacy and Security (Maxfiylik va xavfsizlik) bo‘limida ikki bosqichli tasdiqlashni yoqing va kuchli parol o‘rnating.
Noma’lum havolalarga kirmang, begona botlar orqali ma’lumot kiritmang va shubhali fayllarni yuklab olmang. Telefon raqamingiz va shaxsiy ma’lumotlaringizni faqat ishonchli shaxslargagina ko‘rsating. Agar akkauntingiz buzilgan bo‘lishi ehtimoli bo‘lsa, darhol parolingizni almashtiring va faol seanslarni yopib chiqing.
Eslab qoling, oddiy ehtiyot choralariga rioya qilish orqali “Telegram”dagi shaxsiy ma’lumotlaringizni himoya qilish va kuzatuvning oldini olish mumkin. Ogohlik — sizning eng kuchli himoyangizdir.
VIDEONI KO'RISH
