Ushbu loyiha O‘zbekiston Respublikasi Innovatsion rivojlanish vazirligining, qisqa, o‘rta va uzoq muddatga davlat mablag‘lari asosida moliyalashtirilgan davlat ilmiy-texnik dasturlari doirasida amalga oshirilgan 2017-2020 yillarga mo‘ljallangan fundamental loyiha hisoblanadi.
Professor B.N. Navro‘z-zoda rahbarligida F1-04(08) raqamli “Raqobatbardosh turistik hudud va klasterlarni shakllantirish asosida O‘zbekistonda turizmni davlat miqyosida barqaror rivojlantirishning strategik yo‘nalishlarini ishlab chiqish; Kooperatsiya va integratsiya munosabatlari asosida fermer xo‘jaliklarida raqobatbardosh mahsulotlar yetishtirishning maqbul modellarini ishlab chiqish” loyihasi asosida ikkita tavsiya O‘zbekiston Respublikasi Iqtisodiyot va sanoat vazirligiga tayyorlab taqdim etildi.
1. Qishloq xo‘jaligida kooperatsiya munosabatlarini rivojlantirish bo‘yicha meyoriy-huquqiy mexanizmlarni butun bir majmua sifatida shakllantirish to‘g‘risida takliflar.
2. Qishloq xo‘jaligida kooperatsiya munosabatlarini rivojlantirish strategiyasini ishlab chiqish to‘g‘risida taklif va tavsiyalar.
O‘zbekiston Respublikasi Vazirlar Mahkamasining 2020-yil 7-fevraldagi 56-F-sonli Farmoyishiga muvofiq Buxoro davlat universitetida 2020-yilning 11-12 dekabr kunlari mazkur loyiha doirasida “O‘zbekistonni top 10 turistik hududlar qatoriga kiritish istiqbollari: barqaror rivojlanish imkoniyatlari” mavzusida Respublika ilmiy-amaliy anjumani o‘tkazildi.
Loyiha rejasi bo‘yicha 2020-yilda jami 25 ta ilmiy ishlar nashr qilingan, shundan 1 ta to‘plam, 7 ta ilmiy maqolalar, jumladan, 3 tasi xorijiy jurnallarda va 5 ta mahalliy jurnallarda nashr etilgan. 17 ta tezis, shundan, 7 ta xalqaro, 10 ta respublika konferensiyalarida chop etilgan.
2020-yilda loyihani bajarishda 119 913 000 so‘m mablag‘ ajratilgan.
