Ushbu loyiha O‘zbekiston Respublikasi Innovatsion rivojlanish vazirligining, qisqa, o‘rta va uzoq muddatga davlat mablag‘lari asosida moliyalashtirilgan davlat ilmiy-texnik dasturlari doirasida amalga oshirilgan 2018-2020 yillarga mo‘ljallangan amaliy loyiha hisoblanadi.
Dotsent F.M. Raxmatullaeva rahbarligida 2019-yilda PZ-20170923100 – “Mintaqani kompleks rivojlantirishda turizm salohiyatidan samarali foydalanish yo‘llari” mavzusidagi loyihasi bo‘yicha quyidagi ishlar amalga oshirildi.
• Mintaqani kompleks rivojlantirishda turizm sohasining ahamiyati va o‘rni aniqlandi;
• Turizm va iqtisodiyotning boshqa tarmoqlari o‘rtasidagi bog‘liqlikni aniqlash usullari tahlil qilindi;
• Buxoro viloyati yalpi hududiy mahsulotini shakllanishida turizmning ulushini topish uslubiyati taklif etildi;
• Viloyatda iqtisodiy o‘sish va turizm bozorini barqaror rivojlantirishning asosiy ustuvor yo‘nalishlari ilmiy asoslandi;
• Mavjud salohiyatdan unumli foydalanish asosida viloyatda turizm xizmatlarining yangi istiqbolli turlarini rivojlantirish imkoniyatlari ochib berildi;
• Buxoro viloyatida mintaqaviy turizmning shakllanishi va rivojlanishini o‘rganish maqsadidagi ijtimoiy so‘rovnoma ko‘rinishidagi o‘ziga xos tadqiqotlar o‘tkazilmoqda.
Mazkur loyiha doirasida 3 ta xorijiy nashrlarda, 6 ta respublika jurnallarida, 5 ta xalqaro anjumanlarda, 10 ta respublika miqyosidagi anjumanlarda maqola va tezislar chop etilgan.
2019-yilda loyihani bajarishda 116 900 000 so‘m mablag‘ ajratilgan.
