Buxoro davlat universitetining odob-axloq qoidalari 11 bo‘limdan iborat bo‘lib, ikki tilda O‘zbekiston Respublikasi Oliy va O‘rta maxsus ta’lim Vazirligi bilan tasdqlangan. 1-bob Umumiy qoidalar 3 moddadan iborat, 2-bobda Kodeksning prinsiplari to’g’risida yoritilgan bo’lib unda universitet xodim, talaba va doktorantlari xulq-atvorining asosiy prinsiplari, Qonuniylik prinsipi, Fuqarolarning huquqlari, erkinliklari va qonuniy manfaatlarining ustuvorligi prinsipi, Vatanparvarlik, xizmat va o‘qish burchiga sodiqlik prinsipi, Samaradorlik va tejamkorlik prinsipi- universitet xodim, talaba va doktorantlari o‘z faoliyati samaradorligini innovatsion texnologiyalarni tatbiq etish va boshqa yo‘llar bilan doimiy ravishda oshirib borishi va universitet xodim, talaba va doktorantlari, o‘z navbatida universitetning mulkiga, o‘zining va boshqa shaxslarning vaqtiga mas’uliyat va ehtiyotkorlik bilan yondashishi to’g’risida aytib o’tdi.
Kafedra mudiri S.F.Abdurahmonov ichki tartib qoidalar bilan yaqindan professor-o‘qituvchilarni tanishtirib o‘tdi: Professor-o‘qituvchilarning odob-axloqqa oid majburiyatlari, talabalarning odob-axloqqa oid majburiyatlari, professor-o‘qituvchilar va talabalar odob-axloqida man etiladigan holatlar, professor-o‘qituvchilar va xodimlar o‘rtasidagi odob-axloqqa oid munosabatlar, rag‘batlantirish va chora ko‘rish tartibini mohiyatini tushuntirib o’tdi. Yuksak ma’naviy-axloqiy fazilalarga ega, jamiyat, davlat va oila oldida o‘z mas’uliyatini his etadigan, davlatning ichki va tashqi siyosatini to‘g’ri anglaydigan, vatanparvar va xalqparvar, tashabbuskor va tadbirkor, zamonaviy bilimlar bilan qurollangan hamda yuksak insoniy fazilatlarga ega bo‘lgan irodasi baquvvat, iymoni butun va vijdoni uyg’oq mutaxasislarni tayyorlash. Professor-o‘qituvchilar yoshlar orasida odob-axloqni buzishga, shu jumladan zo‘ravonlik, hayosizlik va shavqatsizlikni tashviqot qilishga qaratilgan har qanday hatti-harakatlarning oldini olish, jumladan, yoshlar ichkilikbozlik va giyohvandlik illatlaridan, boshqa turli harakatli tahdidlar hamda biz uchun yot bo‘lgan diniy va ekstremistik ta’sirlardan, tuban “ommaviy madaniyat” xurujlaridan himoya qilishga ko‘maklashishdan iborat ekanligini uqtirib o’tdi.
2-masala. Oliy ta’lim tizimida korrupsiyaga qarshi kurash “Komplaens nazorat” tizimini takomillashtirish bo‘yicha qo‘shimcha chora-tadbirlar to‘g‘risida fakultet dekani: E.D. Niyozov so’zi: So‘nggi yillarda mamlakatimizda korrupsiyaning oldini olish va unga qarshi kurashish, davlat va jamiyat qurilishining barcha sohalarida korrupsiogen omillarga chek qo‘yishga qaratilgan keng ko‘lamli islohotlar izchil amalga oshirilmoqda. Davlat organlari zimmasidagi vazifa va funksiyalarni bajarishda yuzaga keladigan korrupsiyaga oid xavf-xatarlarni baholash tizimini takomillashtirish hamda davlat xizmatiga halollik standartlarini joriy etish bo‘yicha ishlar amalga oshirilmoqda.
Mamlakatda byurokratik to‘siqlarni bartaraf etish va “yashirin iqtisodiyot”ni qisqartirish choralari ko‘rilmoqda hamda “Korrupsiyasiz soha” loyihalari amalga oshirilmoqda.
Shu bilan birga, korrupsiyaga qarshi kurashish samaradorligini tubdan oshirish bo‘yicha belgilangan vazifalar korrupsiya holatlarining sabab va shart-sharoitlarini aniqlash, ularni bartaraf etishning ta’sirchan tizimini yaratishni taqozo etmoqda. Ushbu ishlarga fuqarolik jamiyati institutlari va nodavlat sektorning boshqa vakillarini ham keng jalb etish zarurati tug‘ilmoqda. Taʼkidlash lozimki, korrupsiya keltiradigan zarar barcha davlatlar uchun teng sanalib, mazkur illat davlatning turli sohalariga, xususan siyosiy, iqtisodiy, ijtimoiy, madaniy jabhalarida amalga oshirilayotgan islohotlarga hamda mamlakatning xalqaro maydondagi imidji va investitsiyaviy jozibadorligiga salbiy taʼsir ko‘rsatadi. O‘zbekiston Respublikasi Prezidenti Sh.M.Mirziyoyevning 2020 yil 24 yanvar kuni O‘zbekiston Respublikasi Oliy Majlisiga qilgan Murojaatnomasida taʼkidlaganidek, “Jamiyatimizda korrupsiya illati o‘zining turli ko‘rinishlari bilan taraqqiyotimizga g‘ov bo‘lmoqda. Bu yovuz baloning oldini olmasak, haqiqiy ishbilarmonlik va investitsiya muhitini yaratib bo‘lmaydi, umuman, jamiyatning birorta tarmog‘i rivojlanmaydi”
Mamlakatimizda korrupsiyani oldini olishga qaratilgan chora-tadbirlar amalga oshirilayotgan bo‘lsa-da, huquqni qo‘llash amaliyotida mansabdor shaxslarning korrupsiya bilan bog‘liq jinoyatlarni sodir etayotganlik holatlari hali hamon uchramoqda. Eʼtiborli jihat shundaki, mazkur normalar bilan davlat xizmatchilarining olishi mumkin bo‘lgan sovg‘a yoki hadyalarning aniq miqdori ham belgilab qo‘yilgan. Masalan, AQSH da ushbu miqdor 20 AQSH dollarini, Fransiyada 35 yevro, Buyuk Britaniyada 140 funt, Rossiyada 3000 rubl etib belgilangan, Kanadada esa mansabdor shaxslarning pul ko‘rinishidagi sovg‘alar qabul qilishi qatʼiyan taqiqlanadi, Singapurda davlat boshqaruvida faoliyat ko‘rsatuvchi mansabdor shaxslarning gonorar, zaym, qimmatli qog‘ozlar kabi to‘lovlarni olishi taʼqiqlangan.
Shuni ta’kidlash joizki, barchamiz har bir semester yakunida kafolat xati yozib beramiz. Kafolat xati mazmun mohiyatiga keltirilganidek, hech qanday tamagarlikka, jinoyatchilikka yo‘l qo‘ymaslik, nazoratlarni shaffof, xolisona va haqqoniy olishga va’da berganmiz. Shuning uchun bu masalaga e’tiborli bo‘lishimiz lozim. Ayniqsa hozir OTM larda qabul jarayonlari davom etyapti, ba’zi bir uddaburon shaxslar tomonidan aldov yo‘li bilan o‘qishga kiritib qo‘yaman degan katta va’dalarni beradigan kimsalar ko‘paygan. Bizning dargohga ham ming afsuslar bo‘lsinki bu holat takrorlangan. Shuni oldini olish maqsadida har biringiz yana bir marta kafolat xati yozib berishingiz, va bunday tamagirlikka yo‘l qo‘ymasligingiz kerak.
