Universitetda faoliyat olib borayotgan professor-o‘qituvchi va talaba yoshlar o‘rtasida poraxo‘rlik, ta’magirlik, korrupsiyaga qarshi kurash, huquqbuzarlik holatlari bo‘yicha jazo muqarrarligini keng tushuntirish, shuningdek, ularning huquqiy savodxonligini yanada oshirish maqsadida “Korrupsiyaga qarshi kurashish” mavzusidagi davra suhbati.
F.K.Saidova so‘zga chiqib: Ma’lumki mamlakatimizda huquqiy demokratik davlat va fuqarolik jamiyatini barpo etish yo‘lida izchil, tizimli va bosqichma-bosqich islohotlar amalga oshirilmoqda. Xususan, sud-huquq tizimini isloh qilish, fuqarolarning huquq xamda erkinliklarini, jamiyat va davlatning qonuniy manfa’atlarini himoya qilish, qonun ustivorligini ta’minlash, tadbirkorlikni qo‘llab-quvvatlash, davlatimizning iqtisodiy xafsizligini ta’minlash borasida keng ko‘lamli ishlar izchillik bilan amalga oshirib kelinishi uqtirildi. Bugungi globallashuv va integratsiyalashuvi asrida, zamonaviy innovatsion axborot-texnologiyalarning, shuningdek, boshqa texnika va texnologiyalarning o‘ta tez sur’atda rivojlanishi va takomillashtirilishi bilan bir qatorda, davlatlarning xavfsizligiga tahdid soluvchi narkotrafik, qurol-yarog‘ odam savdosi, korrupsiya, jinoiy faoliyatdan olingan daromadlarni legallashtirish va terrorizm kabi transmilliy ko‘rinishdagi xavfli uyushgan jinoyatchilik ortib borayotgani ko‘zga yaqqol tashlanmoqda. Bunday tahdidlarning oldini olish, ularga qarshi samarali kurash olib borish va barqarorlikni ta’minlash maqsadida har qaysi davlat zarur choralarni ko‘radi. Korrupsiya va poraxo‘rlik davlatni ich-ichidan yemirishi jahondagi ba’zi davlatlar tajribasidan yaxshi ma’lum.
BMTning 2003 yil 31 oktyabrda qabul qilingan Korrupsiyaga qarshi konvensiyasi xalqaro-huquqiy hujjat bo‘lib, uning loyihasi ikki yil davomida 130 dan ortiq davlat ishtirokida muhokama etilgan edi. Unda korrupsiyaga qarshi xalqaro va milliy kurash amaliyotini yo‘lga qo‘yish hamda ularni amalga oshirish mexanizmlari belgilab berilgan. O‘zbekiston ushbu konvensiyaga 2008 yil 7 iyulda qo‘shilgan.
Poraxo‘rlik munosabatlarini uch subyektli deb aytish mumkin. Bular: pora oluvchilar, pora beruvchilar va ular o‘rtasida vositachilardir. Pora oluvchilar davlat amaldorlari bo‘lsa, uni beruvchilar amaldorlar marhamatiga muhtojlardir. Vositachilik vazifasini esa ayrim shaxslar va yashirin tashkilotlar amalga oshiradilar.
Korrupsiyaning xatarli joyi yana shundaki, u harom pullarni “halollab” olishga va shu orqali terrorizm hamda ekstremizmni moliyalashtirishga xizmat qiladi. Buning uchun korrupsiyaga qarshi kurashda xalqaro birdamlik va hamkorlikni ta’minlash davr talabiga aylandi. Tadbir savol-javob tarzida davom ettirildi. Talabalar o‘zlarini qiziqtirgan barcha savollarga javob oldilar.
Qatnashdilar:
Tarix va yuridik fakulteti, Arxeologiya va Buxoro tarixi kafedrasi katta o`qituvchisi B.B.Boltayev, Agrobiznes va agrologistika kafedrasi o‘qituvchilari A.U.Sherov, Oripov M.A., H.R.Turobova, Sh.Boltaeva, A.D.Qudratov, M.Y.Ergashev, M.T.Amonov F.K.Saidova, 3-1 LOG-21 guruh talabalari hamda guruh tyutori M.N.Kiyamova
