“Bolalarimizga korrupsiyasiz hayotni targ`ib qilish uchun avvalo o`zimiz shu hayotda yashashimiz kerak.”
Buxoro viloyati IIB Huquqbuzarliklar profilaktikasi kapitani Shokirov Subxon.
Buxoro davlat universiteti filologiya fakulteti majlislar zalida Buxoro viloyati IIB Huquqbuzarliklar prafilaktikasi boshqarmasi, O`zbeksiton Milliy Gvardiyasi Buxoro viloyati boshqarmasi, Buxoro davlat universiteti “Korrupsiyaga qarshi kurashish kompleans nazorat” bo`limi hamda fakultetining professor-o`qituvchilari bilan hamkorlikda profilaktik tadbir tashkil qilindi.
Uchrashuvda yoshlarni tarbiyalash va voyaga yetkazishda korrupsiyasiz ta’limni qurish, universitetning talaba yoshlarni axloqiy masalalari bilan shug’ullanish, hozirgi kunda ijarada va yotoqxonada istiqomat qilayotgan talabalarning nazoratlariga e’tibor qaratishga bag’ishlangan davra suhbatini filologiya fakulteti dekani Dilshod Rajabov ochib berdi.
Shuningdek suhbat davomida, yoshlar o`rtasida o`z joniga qasd qilish, tunda ularning besabab harakatlarini oldini olish, ijtimoiy tarmoqlardagi din niqobi ostidagi o`rgimchak to`rlariga tushib qolmasliklari uchun ijtimoiy faollikni oshirish haqida tushuntirish hamda tavsiyalar berildi.
“Har bir darsni boshlashdan oldin huquqbuzarliklar va korrupsiya haqida ma`ruza qilish lozim. Bu singari yoshlar o`rtasida uchrayotgan ko`ngilsizliklar, qoida buzishlarni oldini olish uchun ularga bot-bot eslatish, bu sohadagi holatlar haqida yetkazib turishimiz lozim”,-deya mavzuni dolzarb muammolariga o’z yechimini tavsiya qildi O’zbekiston Repsublikasi Milliy Gvardiyassi Buxoro viloyat boshqarmasi kichik serjanti Ramatov Zavqiddin o'z so'zlarida.
Shu bilan birga tadbir davomida Buxoro viloyati IIB Huquqbuzarliklar profilaktikasi boshqarmasi katta inspektori, kapitan Shokirov Subxon, O`zbeksiton Milliy Gvardiyasi Buxoro viloyat boshqarmasi kichik serjant Rajabov Zavqiddin va kichik serjant Ne’matov Ruslan, Buxoro davlat universiteti “Korrupsiyaga qarshi kurashish kompleans nazorat” bo'limi boshlig’i Qulliyev Yorqin, Buxoro davlar universiteti psixologi Dilbar Hamidova singari soha muttasadilari bugungi kundagi korrupsiya va huquqbuzarliklar haqidagi holatlar hamda muammolar va ularning yechimlari borasida ma’ruza qildilar.
Uchrashuv mobaynida mavzu doirasida filologiya fakulteti o’zbek tilshunosligi kafedrasi professori Abzalova Mehri, fakultetning o'zbek tili va adabiyoti kafedrasi o`qituvchisi To`rayeva Laylo va rus tili va adabiyoti kafedrasi o`qituvchisi To`liyeva Lolalar mavzu doirasida o’z fikrlarini bildirishdi.
Tashkil qilingan davrada o`qituvchi-professorlarning mavzu doirasidagi savol va takliflari atroflicha o`rganildi.
Hamda tadbir yakunida BuxDU “Korrupsiyaga qarshi kurashish kompleans nazorat” bo’limi boshlig’i Qulliyev Yorqin so’zga chiqib, korrupsiyaning oliy ta’lim muassasida ildiz otmasligi uchun kurashga barcha o`qituvchilarni chaqirgan holda dasturga yakun yasadi.
