Ustoz! Shu birgina so’z zamirida olam-olam ma'no va hurmat mujassam. O’qituvchi sofdil, kamtarin, ma'naviy boy, axloqan pok insondir. Ularning poyiga guldastalar sochsak, doimo hurmatlarini ado etib, ardoqlasak arziydi. Chunki ustozlar butun kuchlarini, aql-idroklarini, bilim va zehnlarini, qalb qo’ri-yu sehrlarini shogirdlariga baxshida etgan zahmatkashlardir. Joriy yilning 29-sentabr kuni Buxoro davlat universiteti Filologiya fakulteti Filologiya va tillarni o‘qitish: o‘zbek tili ta’lim yo‘nalishi I “D” guruhi “Doim ardog‘imizdasiz, aziz ustozlar” nomli tadbir o’tkazdi. Tadbirda fakultet professor-o’qituvchilari va talabalari ishtirok etdi. Tadbir boshida I “D” guruhi murabbiysi Sh.Q.G’ulomova o’z ijodidan ustozlar haqida she’r aytib, davra ahlini qizg’in tabrikladi.Davrani Filologiya fakulteti dekani A.A.Haydarov ochib berdi. Kafedra professor-o’qituvchilarini bayram bilan tabriklab, ularning kelgusi ishlariga zafarlar tiladi. Shundan so’ng O’zbek tilshunosligi kafedrasi mudiri A.R.Ahmedov nutq so’zladi. Boshlovchilar Rajabov Nizomiddin va Sulaymonova Mahfuza tadbirni boshlab berdilar. So’ng ishtirokchilar ustoz va murabbiylarimizga atab, chiroyli she’rlar, qo’shiqlar kuylashdi hamda raqslar ijro etishdi. Kafedra o’qituvchi-professorlariga tabriklar aytishdi. Talabalar tomonidan ijro etilgan sahna ko’rinishi davraga alohida ruh va quvnoqlik olib kirdi. Tadbir so’ngida kafedra dotsentlari M.Q.Abuzalova va D.N.Yo’ldoshevaga so’z berildi. Ular bayram bilan hamkasblarini tabriklab, tadbir ishtirokchilariga o’z minnatdorchiliklarini bildirdilar. Tayyorladi: Sh.Q.G’ulomova, O’zbek tilshunosligi kafedrasi o’qituvchisi
