O`zbekiston adabiyotining taniqli namoyondasi, xalqimizning suyukli adibasi Zulfiyaxonim o`z nomini asrlarga muhrlab ketgan ulug` ijodkordir. Uning ijodi ayniqsa, hayoti xar bir o`zbek ayoli uchun ibrat namunasidir. Zulfiyaxonim Isroilova xush xulqli, oliyjanob, zukko inson, iste’dod sohibasi shuningdek, sadoqat timsoli hamdir. Zulfiyaxonim tavalludining 100 yilligiga bag`ishlab Shofirkon pedagogika kollejida 2015 yil 3 mart kuni tadbir o`tkazildi. Tadbirda O`zbekiston Respublikasi yozuvchilar uyushmasi, Buxoro viloyat bo`limi raisi T.Axmedov so`zga chiqib, Zulfiya ijodi, uning asarlari haqida ma’lumot berdi. BuxDU dotsenti, tarix fanlar nomzodi A.Hamroyev Zulfiya yashagan ijtimoiy-tarixiy davr haqida ma’lumot berdi. BuxDU dotsenti, filologiya fanlar nomzodi T.Asadov “Zulfiya ijodida ahdu-vafo sadoqat ifodasi” mavzusida gapirib, she’rlaridan namunalar o`qidi. Tadbir qizg`in o`tib, barcha qatnashchilarga manzur bo`ldi.
