Inson ijtimoiy vazifalarni bajarishi, farzandlarini sog`lom bo`lishi, sog`lom turmush tarziga ega bo`lishi, farzandlarining moddiy-ma’naviy kamoloti uchun sharoit yaratishi kerak. Oilaviy munosabatlar madaniyatini takomillashtirmasdan turib bunga erishish mumkin emas. Umumiy qilib aytganda sog`lom ota-onadangina sog`lom farzand tug`iladi. Sog`lom avlod dastlab oilada shakllanadi.Barkamol avlod tarbiyasi oiladan boshlanadi. Oila sog`lom avlodni voyaga etkazuvchi muhim omil hisoblanadi. Demak inson salomat yashashi uchun boshqa omillar bilan birga sog`lom oilaviy muhit ham lozim. Bunday muhit oila a’zolarining bir-birini tushunishga, oilaviy munosabatlarning to`g`ri o`rnatilishiga bog`liq bo`ladi. Shunday ekan barkamol avlod tarbiyasini muhitini yaratish ota-onaning bosh vazifasidir. Mustaqil O`zbekiston ijtimoiy hayotidagi tub o`zgarishlar ham oilada yangilanish, o`zgarishni amalga oshirishni taqazo etadi. Shu maqsadda, mamlakatimizda «Sog`lom avlod uchun» olib borilayotgan siyosat, birinchi navbatda, oilalarga, oiladagi muhitni sog`lomlashtirishga, jismonan sog`lom, ma’naviy boy va ahloqan pok, yosh avlodni tarbiyalashga qaratilgandir. 2014 yil 25 noyabr Fizika – matematika fakulteti, ma’naviyat va ma’rifat bo`limi, «Ibn Sino salomatlik maskani» ma’rifat markazi, Buxoro viloyat OITSga qarshi markaz “Kamolot”yoshlar ijtimoiy harakati bilan hamkorlikda OIV infektsiyasining tarqalishiga qarshi kurashish maqsadida davra suhbati tashkil qilindi. Bugungi tadbirning tashkil etilishidan ko`zlangan maqsadlar, shu jumladan, aholi ayniqsa, yoshlar ongi va qalbini egallashga qaratilgan tajovuz va tahdidlar, narkomaniya va giyohvandlik, OITS va boshqa zararli yuqumli kasalliklarning tarqalishi kabi illatlardan ogoh bo`lish va saqlanish chora-tadbirlarini mutahassislar talabalarga tushuntirib o`tishdi. Ma’naviyat va ma’rifat bo`limi
