Joriy yilning 9 avgust kuni Buxoro davlat universitetida hududlarni ijtimoiy-iqtisodiy rivojlantirish masalalariga mahalliy intellektual salohiyatni jalb qilish maqsadida hududiy ilmiy-amaliy seminar hamda Fan va texnologiyalar agentligi, Oliy attestasiya komissiyasining sayyor qabuli o’tkazildi. Unda OAK raisi A.T.Yusupov, Fan va texnologiyalar agentligi bosh direktor o’rinbosari O.A.To’ychiyev, Fan va texnologiyalar agentligi bo’lim boshlig’i Sh.Sodiqova, Buxoro viloyati hokimligi vakillari, BuxDU rektori A.Tulaganov, Buxoro viloyati Hududiy innovasiya faoliyati va texnologiyalar transferi markazi direktori o’rinbosari L.Niyozov, hamda viloyat Oliy ta’lim muassasalari professor-o’qituvchilari, doktorantlar, magistrlar, DITD doirasida bajarilayotgan loyiha rahbarlari qatnashdilar. Ilmiy-amaliy seminarda maqsadli davlat ilmiy-texnika dasturlarini shakllantirish va amalga oshirishning asosiy tamoyillari hamda ikki pog’onali oliy o’quv yurtidan keyingi ta’lim tizimining asosiy talablari qizg’in muhokama qilindi. Bundan tashqari, “Innovasion g’oyalar, texnologiyalar va loyihalar Respublika yarmarkasi” doirasida imzolangan shartnomalarning bajarilish holati monitoringi tahlil etildi.