Bugun 28-oktabr kuni xalqaro hamkorlik bo‘yicha prorektor A.Jo‘rayev Xitoyning Lanjou universiteti (Lanzhou University) delegatsiyasini qabul qildi. Tarkibi asosan siyosatshunoslik, xalqaro munosabatlar, iqtisodiyot yo‘nalishlaridagi mutaxassislardan shakllangan delegatsiya vakillari bilan suhbatda o‘zaro hamkorlikning ustuvor yo‘nalishlarida aniq takliflar muhokama qilindi.
Shu jumladan:
- Lanjou universiteti professor-o‘qituvchilarining “Yurisprudensiya”, “Siyosatshunoslik” yo‘nalishlari talabalari uchun onlayn ma’ruzalari tashkil etiladi. Kelgusida ochilishi rejalashtirilgan “Xalqaro munosabatlar” yo‘nalishida Lanjou universiteti professor-o‘qituvchilari tomonidan Xitoyga oid maxsus kurslar o‘qitiladi;
- BuxDU va Lanjou universiteti hamkorligida professor-o‘qituvchilar uchun malaka oshirish kurslari tashkil etiladi hamda respublikamiz OTMlari uchun tijoriy asosda taklif etiladi;
- Lanjou universiteti huzurida faoliyat ko‘rsatayotgan Markaziy Osiyo tadqiqotlari markazi uchun BuxDU olimlarining onlayn ma’ruzalari tashkil etiladi;
- Hamkorlikda yozgi va qishki maktablar yo‘lga qo‘yiladi.
Ma’lumot uchun: Lanjou universiteti QS-2024 reytingida 791-800 guruhida, U.S.News-2024 reytingida esa 485-o‘rinda joylashgan. Universitet Xitoyning Project-211, Project-985 kabi maxsus rivojlantirish dasturlarining a’zosidir. Rasmiy veb-sahifasi: https://en.lzu.edu.cn
