Kecha Buxoro davlat universiteti, Buxoro viloyat prokuraturasi, Buxoro viloyat o`rmon xo`jalik boshqarmasi bilan hamkorlikda Buxoro viloyatidagi sho`rlikga va issiq iqlimga chidamli o`simliklarni parvarishlash, ko`paytirish va ularning kasalliklariga qarshi kurash bo`yicha davra suhbati bo`lib o`tdi. Ushbu davra suhbatida Buxoro viloyat prokurori o`rinbosari Axmedov Jamshid, Buxoro viloyat prokuraturasi bo`lim boshlig`i Farhod Salayiddinov, Buxoro viloyat o`rmon xo`jalik boshqarmasi boshlig`i Rustam Hojiyev, Buxoro davlat universiteti rektori O.X. Xamidov va Buxoro davlat universiteti Agronomiya va biotexnologiya fakulteti bir guruh professor-o`qituvchilari qatnashdilar.
Davra suhbati davomida Buxoro viloyat o`rmon xo`jalik boshqarmasi boshqarmasi bilan uzoq yillik memorandum imzolandi. Bunga ko`ra, Buxoro viloyatining xalqaro ahamiyatga ega bo`lgan magistral yo`llari atroflariga manzarali daxtlarni ekish, ularni parvarishlash shu bilan birgalikda o`simliklarni rayonlashtirish, viloyat iqlimiga moslashtirish ishlarini amalga oshirishda ilmiy xulosalar va asoslarga tayanib qator ishlarni amalga oshirish bo`yicha chuqur munozalar olib borildi. Kelgusida amalga oshirilishi kerak bo`lgan ishlar yuzasidan fikr almashdilar. Uchrashuv davomida Vobkent hamda G'ijduvon tumani o`rmon xo`jaliklariga tashrif buyurildi.
Buxoro davlat universiteti, Buxoro viloyat prokuraturasi, Buxoro viloyat o`rmon xo`jalik boshqarmasi boshqarmasi, Buxoro shahar ko`kalamzorlashtirish boshqarmasi, Buxoro viloyat ekologiya va atrof muhitni himoya qilish boshqarmasilarining bir guruh mutassadi vakillari Samarqand shahri va Samarqand tumanlariga tajriba almashish maqsadida o`simliklarni o`rganish bo`yicha Samarqand shahriga jo`nab ketadi.
