2017 yil 24 may kuni Buxoro davlat universiteti, Tabiiy fanlar fakultetida “Xalq bilan muloqot va inson manfaatlari yili”ga bag'ishlangan “Mahorat maktabi” tashkil etildi.O'zbekiston Respublikasi Prezidentining 2017 yil, 14 martdagi “O'rta maxsus, kasb-hunar ta'limi muassasalari faoliyatini yanada takomillashtirish chora-tadbirlari to'g'risida”gi 2829-sonli qarori ijrosini ta'minlash maqsadida o'tkazilgan bu tadbir “AL va KHKlarida biologiya fanini o'qitishda yangi pedagogik texnologiyalardan foydalanish” mavzusida bo'lib, viloyatning barcha AL va KHKning biologiya fanidan malaka oshirishga kelgan o'qituvchilar kafedra yetakchi professor-o'qituvchilari ma'ruzasini tingladilar. Ayniqsa, biologiya kafedrasi o'qituvchilari Z.T.Safarovaning “Yurak qon-tomir sisitemasi mavzusini YaPTlar asosida o'tish”, R.O.Atoyevaning “Tabiatni muhofaza qilishga doir mavzularni yoritishda qonunlardan foydalanish”, Sh.R.Sharopovaning “O'zbekistonda oziq-ovqat xavfsizligi masalalari. Hayvon mahsulotlarini yetishtirish” mavzusidagi qiziqarli ma'ruzalari tinglovchilarga katta taassurot qoldirdi.
