Turkiyadagi ko`p tarmoqli universitetlardan hisoblangan Selchuk universiteti vakillari – universitet prorektori E.Eren, bosh kotib K.Besholuk, xalqaro aloqalar koordinatori A.Ateshlar BuxDUga tashrif buyurishdi.
Ma'lumot o`rnida aytish joizki, Selchuk universiteti ayni chog`da o`z bag`rida 69884 nafar talabaga tahsil bermoqda. Shuningdek, Universitet huzurida 8 ta institut, 22 ta kasb-hunar maktabi, 53 ta tadqiqot markazi hamda 22 ta fakultet mavjud.
O‘zbekistondagi bir qator oliy taʼlim muassasalarida bo‘lib, o‘zaro hamkorlik masalalarini muhokama qilishni rejalashtirgan delegatsiya bilan uchrashuvda bir qator mavzularda kelishuvga erishildi. Shu jumladan,
- Selchuk universiteti mutaxassislari BuxDUga tashrif buyurib, universitet tajriba maydonlarida tuproq tahlilini olib borishadi hamda 2024 yil ekin-tikin ishlari bo‘yicha maslahatlashishadi;
- Selchuk universitetida BuxDU talabalari uchun 1 semestr davomida almashinuv uchun kvotalar ajratiladi hamda ushbu kvotalar uchun universitet turar joyidan ham o‘rinlar ajratib qo‘yiladi.
