Buxoro davlat universitetida Innovatsion rivojlan…
Buxoro davlat universitetida Innovatsion rivojlanish agentligi direktori Toʻychiyev Olimjon Alijonovich bilan uchrashuv bo‘lib o‘tdi
14.06.2023
Bugun universitet kichik majlislar zalida Innovatsion rivojlanish agentligi direktori Toʻychiyev Olimjon Alijonovich bilan uchrashuv bo‘lib o‘tdi. Uchrashuvda universitet professor-o‘qituvchilari tomonidan ishlab chiqilganhamda turli tanlovlarga taqdim etilgan ilmiy, innovatsion va startap loyihalar tahlil qilindi. Loyihalarni shakllantirishda uchraydigan muammolar, bugungi kun zamon talabidan kelib chiqib ularga qo‘yiladigan talablar xususida so‘z bordi. Professor-o‘qituvchilarning loyihalari tinglandi, kerakli ko‘rsatmalar berildi.
2023-yil iyun oyi holatida universitet professor-o‘qituvchilari tomonidan 3 ta startap loyihalar g‘olibligi qo‘lga kiritilgan.
Joriy yilda universitet-professor tomonidan Innovatsion rivojlanish agentligi tomonidan e’lon qilingan startap loyihalar tanloviga 5 ta startap loyiha, amaliy hamda innovatsion loyihalar tanlovi (77-tur) ga 1 ta innovatsion loyiha, “Olima ayollar” tashabbuskor amaliy va innovatsion loyihalar tanlovi (78-tur) ga 5 ta loyiha, maqsadli tarzda shakllantirilgan 3 ta amaliy loyiha taqdim etildi. Bugungi kunda ushbu loyihalar agentlik tomonidan moliyalashtirish maqsadida ko‘rib chiqilmoqda.
