Ayni kunlarda Buxoro davlat universiteti vakillari T.H.Rasulov, E.D.Niyozov, E.B.Dilmurodov va B.Sh.Ganiyevlar Qozon Federal universiteti bo‘lib turibdi.
2023-yil 21-24-mart kunlari Buxoro davlat universiteti hamda Qozon Federal universiteti olimlarining matematika, fizika, kimyo, geologiya, neft-gaz texnologiyalari, ekologiya va geografiya kabi ustuvor yo‘nalishlarda hamkorlikda olib boriladigan ilmiy-tadqiqot ishlari muhokama qilindi. Asosan, Qozon Federal universiteti ilmiy ishlar bo‘yicha birinchi prorektori D.A.Tayurskiy, raqamli transformatsiya va innovatsion faoliyat bo‘yicha prorektor D.M.Pashin, N.I.Lobachevskiy nomidagi Matematika va mexanika instituti, Ekologiya va tabiatdan foydalanish instituti, Geologiya va neft-gaz texnologiyalari instituti, Fizika instituti rahbariyati bilan muzokaralar olib borildi.
Muzokaralar davomida
1. Hamkorlikda “Reports on Mathematics, Physics and Chemistry” va “Journal of Ecology and Geography” xalqaro ilmiy jurnallari faoliyatini yo‘lga qo‘yish hamda ularni Scopus, Web of Science kabi xalqaro ma’lumotlar bazasiga bosqichma-bosqich kiritish;
2. Scopus xalqaro ma’lumotlar bazasiga kiritilgan “Russian Mathematics” va “Lobachevskii Journal of Mathematics” jurnallarining maxsus sonida Buxoro davlat universiteti olimlarining ilmiy maqolalarini nashr qilish;
3. O‘zaro hamkorlik istiboqllarini belgilash maqsadida 2023-yil aprel oyida ikkala OTM olimlari ishtirokida xalqaro Simpozium o‘tkazish;
4. Qozon Federal universiteti ilmiy laboratoriyalaridan foydalib ilmiy-tadqiqot ishlari olib borish;
5. Buxoro davlat universiteti tadqiqotchi olimlarining ilmiy stajirovkalarini Qozon Federal universitetida o‘tash;
6. Buxoro davlat universitetining QS, THE kabi nufuzli xalqaro reytinglarda yuqori natijalarga erishishida hamkorlik qilish;
7. Qozon Federal universiteti nashriyotida Buxoro davlat universiteti professor-o‘qituvchilari tomonidan tayyorlangan monografiya va o‘quv adabiyotlarini nashr qilish;
8. 2024-yilda Qozon Federal universitetida o‘tkazilishi rejalashtirilgan Turk dunyosi matematika Assosatsiyasining navbatdagi kongressini tashkil qilishda Buxoro davlat universitetini hamkor tashkilot sifatida jalb qilish kabi dolzarb masalalarda dastlabki kelishuvlarga erishildi.
Shu bilan bir qatorda Qozon Federal universitetida xizmat safarida bo‘lib turgan O‘zbekiston Respublikasi oliy ta’lim, fan va innovatsiyalar vazirligi Ilmiy-texnik axborot markazining Ilmmetriyani rivojlantirish boʻlimi boshligʻi Diana Abdumuminova bilan ilmiy loyihalarni ekspertiza qilish, Oʻzbekiston OTM va ITM, xususan Buxoro davlat universiteti professor-oʻqituvchilarining nashr etish faolligini oshirish sohasidagi hamkorlik masalalari muhokama qilindi.
Eslatib o‘tamiz, Qozon Federal universiteti QS xalqaro reytingida #322-o‘rinda.
