O`zbekiston Respublikasi Oliy va o`rta maxsus ta`lim vazirligi va Xalq ta`limi vazirligining qo`shma qarori bilan tashkil etilgan “Mobil metodik guruhi” a`zolari tomonidan Vobkent tumanidagi 37-maktabida mahorat darslari tashkil etildi.
“Mobil metodik guruhi” a`zolari joriy yilning 14-dekabr kuni Vobkent tumanidagi 37- umumiy o`rta ta'lim maktabida bo`lishdi. Tashrif asnosida 9 ta fan o`qituvchilari zamonaviy pedagogik texnologiyalardan foydalangan holda dars mashg`ulotlarini o`tkazish va ta`lim sifatini oshirish bo`yicha o`zlarining ilmiy-amaliy tavsiyalarini berishdi.
“Mobil metodik guruhi” umumiy o`rta ta`lim maktablari pedagoglarining bilimini oshirish hamda yangicha o`qitish uslublarini joriy etish maqsadida Vobkent tumanidagi №37-umumiy o`rta ta'lim maktabi jamoasiga mahorat darslari o`tkazishdi.
Mahorat darslarida maktab o`qituvchilarini bugungi davr talablariga mos bilim berish, shuningdek, ilg‘or metodik va innovatsion ishlanmalar, o`quv-uslubiy dasturlar hamda qo`llanmalar bilan ta`minlash, ulardan samarali foydalanish usullari tushuntirildi.
“Mobil metodik guruhi” a`zolari belgilangan vazifalarni bajarishda maktab o`qituvchilarini faollik chorlashdi. Doimiy tarzda maktab o`qituvchilari bilan yuqoridagi vazifalar yuzasidan doimiy tarzda ilmiy-amaliy hamkorlikda faoliyat olib borishga kelishib olindi.