2016-yil 14-aprel sanasida Buxoro davlat universitetida Turizm kafedrasi professor o'qituvchilari, talabalari va turizm sohasida samarali faoliyat yuritayotgan malakali mutaxassislar bilan "O'zbekistonda turizm sohasini rivojlantirishning o'ziga xos xususiyatlari" mavzusida davra suhbati tashkil etildi."Turizm" kafedrasi mudiri i.f.n., dot. H.R. Hamroyev kirish so'zi bilan ochilib, turizm sohasining nafaqat mamlakatimiz, balki xalqaro darajada hissasi ortib borayotgani ta'kidlandi.Tadbirda "Doston house" milliy mehmon uyi direktori Doston Rajabov, "Autentik-tur servis" turoperatorlik tashkiloti direktori Sanjar Bobokalonov, "Jahongashta tur servis" turoperatorlik firmasi direktori Nutfullo Ibragimovlar davra suhbatida taklif etilgan turizm bo'yicha mutaxassislar sifatida O'zbekistonda ushbu sohaning iqtisodiyotda tutgan o'rni va uni oshirish yo'nalishlari haqida fikr bildirib, sayyohlarga xizmat ko'rsatishning nazariy va amaliy jihatlari bilan bo'lishdilar. Jumladan, O'zbekistonda mahalliy va xorijiy sayyohlar oqimini oshirishda malakali kadrlarga talab mavjudligi alohida qayd etildi. Bu borada sayyohlik tashkilotlar va BuxDUning tegishli yo'nalishlari o'rtasida hamkorlik o'rnatish masalalari taklifi kiritildi.Tadbir jarayonida "Mehmonxona xo'jaligini tashkil etish va boshqarish", "Turizm" yo'nalishi talabalari o'zlarini qiziqtirgan bir qator savollarga mutaxassislar tomonidan javob olishdi.
