Ayni paytda Buxoro davlat universitetining Xalqaro hamkorlik bo‘yicha prorektori Abror Jo`rayev 11-16 aprel kunlarini qamrab olgan “TALANT – Markaziy Osiyoda inson resurslarini boshqarish magistratura dasturlari” xalqaro loyihasi monitoring guruhi rahbari sifatida Qozog‘iston Respublikasining Nazarboyev universiteti (Nursulton sh.) va Yevroosiyo innovatsion universiteti (Pavlodar sh.) taklifiga binoan ushbu oliy ta’lim muassasalarida xizmat safarida bo‘lib turibdi.
Safar davomida hamkor universitetlarda loyiha doirasida tashkil etilgan “Inson resurslarini boshqarish” magistratura dasturlari faoliyati monitoringi o‘tkazilishi ko`zda tutilgan. Xizmat safarining asosiy maqsadiga qo‘shimcha ravishda hamkor universitetlarning strategik rivojlanish rejalari, taʼlim sifatini taʼminlash va xalqarolashuv sohasidagi tajribasi ham o‘rganiladi, Yevroosiyo innovatsion universiteti bilan hamkorlik shartnomasi imzolanishi rejlashtirilgan.
