Fransiyaning Vatel mehmonxona va turizm biznes maktabi bilan hamkorlikda tashkil etilgan “Xalqaro mehmonxona menejmenti” qo'shma dasturini taftish qilish va kelajakda amalga oshiriladigan ishlarni kelishib olish maqsadida Paul Azimer (Vatel mehmonxona va turizm maktabi Xalqaro tarmoq vakili) joriy yilning 4-5-oktabr kunlari BuxDUga tashrif buyurdi. Tashrifning dastlabki kuni Xorijiy mehmon “Xalqaro mehmonxona menejmenti” ta’lim dasturi talabalari uchun yaratilgan imkoniyatlar va 2020/2021 o’quv yilida amalga oshirilgan ishlar bilan tanishdi. Shuningdek, ushbu dasturda tahsil olayotgan talabalar bilan uchrashdi va talabalar tomonidan berilgan savollarga javob berdi.Tashrifning keyingi kunida Paul Azimer “Xalqaro mehmonxona menejmenti” ta’lim dasturida dars berayotgan professor-o’qituvchilar bilan uchrashib mavjud kamchiliklar va ularni bartaraf etish yuzasidan fikr almashishdi. Shuningdek, xorijiy mehmon BuxDU rektori O.X. Xamidov qabulida bo’lib kelajakda amalga oshiriladigan vazifalarni kelishib olishdi. Tashrif yakunida Paul Azimer talabalar amaliyot o’tayotgan mehmonxonalarga tashrif buyurib, u yerda talabalar uchun yaratilgan imkoniyatlar bilan tanishib chiqdi.BuxDU Matbuot xizmati